Naziralnika kampanii «Pravaabaroncy za svabodnyja vybary» ad BCHK z Hłybokaha Kastusia Šytala nie pakidaje ŭ spakoi miascovaja milicyja.
28 studzienia jamu patelefanavaŭ na mabilny telefon miascovy ŭčastkovy Alchimionak, jaki chacieŭ pahutaryć z aktyvistam nakont jahonaha nazirańnia pad čas prezidenckich vybaraŭ. Pry hetym jon paviedamiŭ, što u milicyju pryjšła niekaja «papiera na jaho».
Zatym supracoŭniki milicyi naviedali jahonuju maci, jakuju sprabavali raspytać pra udzieł syna ŭ kampanii pa nazirańni za vybarami. Nastupnaha razu milicyjanty sprabavali ŭručyć maci pozvu na dopyt syna, adnak jana admoviłasia jaje prymać, bo Kastuś doma nie pražyvaje. Supracoŭniki milicyi telefanavali navat u Brasłaŭ, dzie jon braŭ udzieł u relihijnaj imprezie, sprabujučy takim čynam znajści aktyvista.
Sam Kastuś Šytal ličyć, što jaho pieraśledujuć za toje, što ŭ dień vybaraŭ jon zafiksavaŭ fakty parušeńniavybarčaha zakanadaŭstva na Hłybockim vybarčym učastku № 2, jakija zatym stali viadomyja hramdadstvu praź niezaležnyja ŚMI.
