Pavažany spadar Andrej Dyńko i kalektyŭ redakcyi «Naša Niva»!
Ščyra vinšujem vas sa śviatkavańniem siońnia 100-hadovaha jubileju sa dnia publikacyi pieršaha numaru hazety «Naša Niva».
Dziakujem vas za hłybokija artykuły, dalokija ad palityčnaha radykalizmu i fanatyzmu. Takaja aściarožnaja pazycyja, jakaja nie ŭmiaščajecca ŭ ramki pryniataj palityčnaj daktryny na peŭny histaryčny peryjad, nakanavała hazecie adpaviedny los. Da 1917 hodu «Naša Niva» staviłasia krytyčna da carskaj, a paśla 1917 – da savieckaj ułady, za što ciarpieła ad abiedźviuch. Škadujem, što ŭ apošnija časy ŭ vašaj hazecie źjavilisia prablemy z raspaŭsiudžvańniem i jurydyčnaj rehistracyjaj, uklučaja niadaŭniaje papiaredžańnie Ministerstva infarmacyii.
My spadziajemsia, adnak, što ŭnikalnaja histaryčnaja rola «Našaj Nivy» u kulturnym i palityčnym žyćci Biełarusi budzie zaŭsiody hodna aceniena hramadztvam, a hazeta budzie i nastupnyja 100 hadoŭ ciešyć čytačoŭ svaimi artykułami.
Asobna vinšujem spadara Andreja Dyńko za atrymańnie premii «Svaboda vykazvańnia»!
Z pavahaj,
Ambasadar Okie Pieterson, ad imia Ofisa ABSE u Miensku
Šanoŭnaja redakcyja hazety "Naša Niva"!
Vinšujem šanoŭnych kalehaŭ z 100-hadovym jubilejem. Hanarymsia, što amal ŭsie
teveełaŭcy supracoŭničali, a inšyja praciahvajuć supracoŭničać ź lehiendarnym
biełaruskim peryjodykam. Zyčym vam tryvałaści, viery i dziejsnaj patrymki
papiarednikaŭ, ajcoŭ "Našaj Nivy".
Jak i 100 hadoŭ tamu, na vas, našaniŭcach, lažyć vialikaja adkaznaść.
Pamiatajcie pra heta.
Budziem razam. Musim hodna prajści najnoŭšy biełaruski šlach.
Ad siabroŭ Tavarystva Volnych Litarataraŭ: Aleś Arkuš, Vinceś Mudroŭ, Jury
Humianiuk, Juraś Paciupa.
Vinšuju «našaniŭcaŭ» sa słaŭnym jubilejem!
Zyču talenavitych aŭtaraŭ, udziačnych čytačoŭ-padpisčykaŭ, rostu nakładu j papularnaści vydańnia!
Uładzimier Siŭčykaŭ
Pavažanaja redakcyja
Plonu, impetu, spahady, siłaŭ i adnadumcaŭ vam! za100iemsia!
A. Baciukoŭ
Pavažanaja redakcyja!
Vinšuju vas i «NAŠU NIVU» z takim cudoŭnym jubilejem – 100 hod!!!!!!!!!!!!
Žadaju zachavać staryja, dobryja tradycyi! I – novych ździajśnieńniaŭ dy adkryćciaŭ!
Z pavahaj, Darja Lis
Vinšuju ź jubilejem!
Zyču roskvitu j plonu ŭ pracy!
Alaksiej Kołčyn
100 hod Našaj Nivie
Stahodździe tamu našyja papiaredniki zasnavali toje, što stałasia apiryščam usioj biełaruščyny, zrabiłasia jaje padmurkam. Padmurkam domu, na dzialancy Bahuševiča.
Jak by tam ni było, ale za tyja pieršyja hady isnavańnia NN była abudžana vialikaja chvala biełarusizacyi, što adradziłasia z amal niadkul. Taja chvala paśla zdolała za nastupnaje dziasiadzihodździe vystavić ścieny tojo biełaruskaj chatki, jakaja paśla pratryvała bolej paŭvieku. Staić dasiul.
Sto hod hety budynak sprabavali začynić, źniščyć, vypalić i splažyć. Kolki razoŭ padavałasia, što jon laśnie. Što zaraście pustaziellem navat padmurak i ničoha ŭžo nie ŭzhadaje pra naš dom. Pra našu Biełaruś. Ale dobra vidać byŭ zality padmurak, mocnaja była cehła ŭ ścienach…
Nam nakanavana (a mo i paščaściła) tolki ŭładkoŭvać, azdablać toj damok u siaredzinie. U marach – zrabić eŭraremont.
Ale siońnia našamu padmurku, našaj NAŠAJ NIVIE 100 hod.
Usich supracoŭnikaŭ NN i usich čytačoŭ vinšuju z hetaj hadavinaj. My razam pieratryvajem usio nastupstvy i vichury času i złych ludziej.
Rusłan Raviaka, Baranavičy
Ščyra vinšujem aŭtaraŭ i čytačoŭ "Našaje nivy" ź jubilejem. Zyčym plonu ŭ pracy, natchnieńnia i mužnaści.
"Našyja dzietki"
Vinšuju sa stohadovym jubilejem redakcyju ŭznoŭlenaj «Našaj Nivy» i asabista spadara Dyńko. Tvorčaha plonu. Žyvie Biełaruś!
Ała (Albina) Siamionava
Ščyra vinšuju vas z hetym śviatam! Chočacca pažadać tolki adnaho – nie spyniacca i dalej rabić svaju pracu.
Vialiki dziakuj Vam za toje, što zmahajeciesia za Našu Nivu.
Čytač
Darahija siabry!
U mianie 23 listapada dvajnoje śviata, bo mienavita ŭ hety dzień naradzilisia maje dzieci, jak ja žartuju "bliźniaty z roźnicaj u šeść hadoŭ". A sioleta śviata trajnoje, tamu što jubilej Našaj nivy heta taksama darahaja i blizkaja majmu sercu data. Ščyra vinšuju kalektyŭ redakcyi sa 100-hodździem pieršaj biełaruskaj haziety. Dziakuj vam za toje, što nasupierak usim ciažkaściam vysoka trymajecie ściah biełaruskaści, za nadzieju i radaść, jakuju prynosić kožny novy numar. Pośpiechaŭ vam i našaj ahulnaj spravie. Trymajciesia!
Žyvie Biełaruś!
Valancina Hrakun
Šanoŭnaje spadarstva!
Vinšuju ŭsich našaniŭcaŭ i čytačoŭ sa stahodździem hazety našaje dušy!
Zyču, kab biełaruski Minataŭr, imia jakomu samota byŭ urešcie pieramožany!
Vytrymki i plonu! Radaściaŭ vialikich i jašče bolšych!
Siarhiej Bałachonaŭ
Miłaja «Naša Niva»
Dziakuj Tabie, što Ty jość... i budź nieŭmiručaj!
A našaniŭcam zyču tryvańnia, natchnieńnia i apantanaści.
Tvoračy – zrujnujem (...spahadaj Boža!)
Usich ciopła-ciopła abdymaju i vinšuju.
Natalka Charytaniuk
Šanoŭny redaktar hazety «Naša Niva» sp.Andrej Dyńko!
Pavažany kalektyŭ redakcyi i ŭsie prychilniki biełaruskaha Słova!
Vinšuju Vas usich z stahodździem vychadu pieršaha numaru hazety «Naša Niva». Prajšło sto hod, ale ničoha ŭ śviecie i ŭ Biełarusi nie źmianiłasia. I heta symbalična: hazetu zabaraniali čytać u 1906 hodzie, toje ž robiać biełaruskija ŭłady i zaraz. Ale kalektyŭ hazety «Naša Niva», niahledziačy na vialikija ciažkaści i pieraškody na svaim šlachu, usio roŭna praciahvaje pracavać na karyść Adradžeńnia Biełarusi, bo «Naša Niva» – heta hazeta, jakaja abudžaje nacyjanalnuju samaśviadomaść kožnaha, chto čytaje jaje, i nahadvaje praź źmiastoŭnyja natatki nam pra toje, što my – staražytny narod. Niepryjacieli chacieli zaniavolić Biełaruś, chacieli źniščyć usio biełaruskaje. Ale narod nia zmoh zabyć svaje nacyjanalnyja symbali: hierb Pahoniu i bieł-čyrvona-bieły ściah. I ŭ hetym jość niamałaja zsłuha hazety «Naša Niva», dzie pracujuć sapraŭdnyja patryjoty, jakija štodnia i štochvilinna žyvuć dziela Maci-Radzimy, dziela rodnaha kryvickaha Słova.
Ja vieru ŭ toje (i čakaju toj čas!), kali «Našu Nivu» buduć čytać u kožnaj biełaruskaj chatcy, u kožnaj biełaruskamoŭnaj siamji.
Zyču ŭsiamu kalektyvu redakcyi hazety «Naša Niva» dabra, ščaścia, zdaroŭja, stojkaści i tvorčaha natchnieńnia na karyść Baćkaŭščyny, na karyść biełaruskaha Adradžeńnia. Žyvie volnaje i niezaležnaje biełaruskaje Słova! Žyvie Biełaruś!
Zaŭsiody Vaš
Jury Uładzimieravič Miańkoŭ, nastaŭnik Baravabudzkaj škoły Karmianskaha r-u Homielskaj vobłaści
