«Biełkamunmaš» vypuścić sioleta šeść adnavahonnych dyziel-ciahnikoŭ + fota 8

Adnavahonny dyziel-ciahnik 620M.

Biełaruskaja čyhunka i AAT «Biełkamunmaš» padpisali dahavor na vyrab i pastaŭku šaści adnavahonnych dyziel-ciahnikoŭ typu 620 M,

Heta technika pryznačana dla vykarystańnia na ŭčastkach ź nievialikim pasažyrapatokam.

Adnavahonnyja dyziel-ciahniki buduć nabytyja biełaruskaj mahistrallu za košt srodkaŭ inavacyjnaha fondu Ministerstva transpartu i kamunikacyj Biełarusi. Košt adnaho dyziel-ciahnika składzie kala 8,1 młrd. rubloŭ. Vytvorčaść takoj techniki na AAT «Biełkamunmaš» budzie arhanizavana sumiesna z polskaj chołdynhavaj kampanijaj Pesa pa inicyjatyvie BČ.

Pieršy adnavahonny dyziel-ciahnik pavinien być pastaŭleny na biełaruskuju mahistral u žniŭni.

U cełym zapłanavana pastaŭka ŭ 2011 hodzie čatyroch takich ciahnikoŭ na Homielskaje adździaleńnie darohi i dvuch — na Viciebskaje.

«Novyja biełaruskija dyziel-ciahniki buduć adroźnivacca sučasnymi techničnymi charaktarystykami i vysokim uzroŭniem kamfortu», — adznačyli ŭ pres-słužbie.

Płanujecca, što ŭ dalejšym na AAT «Biełkamunmaš» budzie arhanizavana vytvorčaść sučasnych dvuch- i trochvahonnych dyziel-ciahnikoŭ. Jany zamieniać sastareły ruchomy sastaŭ ryžskaj vytvorčaści.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH