Mer Čyty Anatol Michaloŭ panarakaŭ, što va ŭładaŭ «niama licenzii na adstreł bamžoŭ», jakija «zajmajuć 90% miescaŭ u sacyjalnych prytułkach Zabajkalskaha kraju, patrabujuć roŭnych z pracoŭnym čałaviekam vydatkaŭ ad dziaržavy, ničoha nie dajučy ŭzamien, i čaściakom biez asablivaj patreby zajmajuć kojki, dzie mahli b lažać padatkapłatniki».
Taki pohlad na prablemu haradski hałava, siabra «Adzinaj Rasii» ahučyŭ padčas spravazdačy pierad miascovymi deputatami, adkazvajučy na pytańnie pradstaŭnika KPRF Uładzimira Łohinava ab tym, što meryja źbirajecca rabić ź biazdomnymi, jakija «kožnuju viasnu vychodziać na vulicy horada, jak praleski».
— zajaviŭ na heta Michaloŭ, jakoha cytuje ahienctva Zabinfo.ru.«Na žal, my nie majem licenzii na adstreł bamžoŭ, a inšych zakonnych sposabaŭ spravicca ź imi siońnia niama»,
Pavodle jaho słovaŭ, siońnia niama ni aficyjnaha paniatku «bomž», ni adkaznaści za taki ład žyćcia. «Na moj pohlad, adziny sposab vyrašeńnia hetaj prablemy — na fiederalnym uzroŭni ŭvieści, naprykład, paniatak „darmajed“ z adpaviednaj adkaznaściu», — prapanavaŭ kiraŭnik horada.
Pakul ža «my nie možam, jak u saviecki čas, prymusić hetych ludziej pracavać» — dla hetaha adsutničajuć zakonnyja padstavy, paskardziŭsia mer. Heta pry tym, što na pracu sacyjalnych słužbaŭ, jakija im dapamahajuć, vydatkoŭvajecca niamała biudžetnych hrošaj.
«Da prykładu, na lačeńnie adnaho bamža miedyki marnujuć u siarednim 17 tysiač rubloŭ ź biudžetu horada, u toj čas jak dla haradskoj kazny hetyja hramadzianie nie zarablajuć ni kapiejki», — pryvodzić jaho słovy «Zabmedia.ru». Partał pry hetym nie zhadvaje frazy pra licenziju na adstreł.
Jak adznačaje RBK, Anatol Michaloŭ źjaŭlajecca łaŭreatam nacyjanalnaj premii imia Minina i Pažarskaha «Vartamu hramadzianinu — udziačnaja Rasija».
Jak raniej paviedamlali zabajkalskija ŚMI, pavodle dadzienych pravaachoŭnych orhanaŭ, štohod padčas