Pryvatny samalot Dassault Falcon 900EX (bartavy numar5A-DCN ) ździejśniŭ čartarny rejs z Trypali ŭ Miensk i nazad. Pra heta paviedamlaje izralskaja hazieta «Haarec».
Ruch samalota vyličyli tak zvanyja płejnspotery, naziralniki za palotami avijałajnieraŭ.
Pavodle apublikavanych u internecie aŭdyjozapisaŭ, bort vylecieŭ z Trypali ŭ piatnicu 25 lutaha i viarnuŭsia ŭ niadzielu 27 lutaha, a 12.30. Ź Minska jon vylecieŭ, a 9.30.
Pavodle infarmacyi izrailcianaŭ, samalot pryziamliŭsia ŭ aeraporcie Mityha na ŭschod ad Trypali.
«Daso Falkon» — adzin z troch samalotaŭ Kadafi. Jon taksama karystajecca dvuma aerobusami bolšaha pamieru.
U presie źjavilisia samyja roznyja viersii, našto asabisty samalot Kadafi prylataŭ u Minsk. Haaretz ličyć, što ŭ Minsk mahła adpravicca siamja dyktatara. Hazieta adznačaje ciesnyja suviazi miž Łukašenkam i Kadafi ŭ vajskovaj, palityčnaj i ekanamičnaj śfierach.
Napiaredadni samaloty ź Livii sprabavali sieści ŭ Biejrucie (Livan) i na Malcie. Adnak dyśpietčary nie dali pasadki paśla taho, jak im admovilisia paviedamić, chto lacić na borcie.
Infarmacyja pra palot «Falkona» źjaviłasia ŭ paniadziełak. Raniej izrailskaja radyjostancyja «Koł Israel» paviedamlała, što ŭ aeraport Minska prybyŭ samalot z hrašyma i zołatam Kadafi.A jašče na niekalki dzion raniej u internecie źjaviłasia infarmacyja pra tajemny vizit u Minsk emisara Kadafi, načalnika hałoŭnaha ŭpraŭleńnia tyłu i vytvorčaści Časovaha hałoŭnaha narodnaha kamiteta abarony Livii Abderachmana Sieida, jaki nibyta pryjechaŭ pa zbroju.
MZS Biełarusi paśpiašałasia abvierhnuć tyja čutki, adnak abvierhnuć sam palot naŭrad ci ŭdasca. U internecie vystavili aŭdyjozapisy pieramovaŭ vienhierskich i maltyjskich dyśpietčaraŭ z ekipažam samalota Kadafi.
Chto moh zapisać hetyja pieramovy? Hazieta piša, što heta byli radyjoamatary. Adnak nie vyklučana, što pieramiaščeńni samalotaŭ ź Livii adsočvajuć i izrailskija śpiecsłužby.Jany paličyli fakt palotu asabistaha samalota Kadafi zajmalnym. I sapraŭdy, čamu pavietranaja mašyna kiraŭnika dziaržavy vylecieła i viarnułasia ŭ achoplenuju paŭstańniem krainu?
Prasłuchać aŭdyjozapisy možna tut:
