U Viciebsku na mižnarodnym fiestyvali sučasnaj chareahrafii hran-pry atrymali artysty ź piekinskaha ansambla piesni i tanca Kitajskaj Narodnaj Armii. Členy žury addali im pieramohu za chareahrafičnuju minijaciuru «Ryfmy harmonii». U fiestyvali taksama ŭziali ŭdzieł kalektyvy ź Biełarusi, Rasii, Małdovy, Estonii, Hiermanii. Ministr kultury Respubliki Biełaruś Uładzimir Matviajčuk adznačyŭ, što hety chareahrafičny forum, staŭ tradycyjnym i sadziejničaje intehracyi tvorčaha patencyjału Biełarusi ŭ kulturnuju prastoru.
Fiestyval sioleta adbyŭsia, dziakujučy finansavaj dapamozie Viciebskaha abłvykankama. Žury konkursu ŭznačalvaŭ narodny artyst SSSR i Biełarusi, akademik, prafiesar Akademii navuk Biełarusi, dyrektar Nacyjanalnaha akademičnaha Vialikaha teatra baleta RB Valancin Jelizarjeŭ. Pavodle jaho słoŭ, hety prajekt doryć prafiesijanalnym artystam i hledačam šmat pryjemnych siurpryzaŭ.
Načalnik upraŭleńnia kultury Viciebskaha abłvykankama Mikałaj Pašynski ličyć, što hetaje cudoŭnaje śviata sučasnaha tanca – druhaja pa značnasci padzieja ŭ kulturnym žycci Prydzvinskaha kraju paśla «Słavianskaha bazaru». Śviata sučasnaha tanca pravodziłasia voś užo ŭ 19-y raz i nie maje anałahaŭ u śviecie.
