Namieśnik staršyni Pałaty pradstaŭnikoŭ Viktar Huminski napres-kanferencyi ŭ Miensku paviedamiŭ, što kiraŭnictva Pałaty admoŭna stavicca da vizytu kiraŭnicy rabočaj hrupy pa Biełarusi Parlamenckaj asamblei ABSE Uty Capf. Jana źbirałasia naviedać Miensk u kancy sakavika.
Huminski skazaŭ: «U hetym vizycie niama metazhodnaści. Bo kiraŭnica rabočaj hrupy pa Biełarusi ŭ pieršyja hadziny paśla zaviaršeńnia vybaraŭ, nia viedajučy, što nasamreč adbyvajecca ŭ Biełarusi, zrabiła svaju acenku sytuacyi. Zychodziačy z hetaha, niama nieabchodnaści sustrakacca ŭ takoj sytuacyi».
Viktar Huminski taksama skazaŭ, što biełaruski bok admoŭna pastaviŭsia da prapanovy Capf pravieści ŭ Miensku seminar na temu svabody medyjaŭ. Jon adznačyŭ, što niemahčyma zaraz abmiarkoŭvać hetuju temu, kali 10 biełaruskich žurnalistaŭ źjaŭlajucca nieŭjaznymi ŭ krainy EZ.
0
0
0
0
0
0