Na skarhu milicejskaha kiraŭnictva viciebski abłasny sud admianiŭ pastanovu Čyhunačnaha rajsudu, zhodna ź jakoj vychady apazycyjanera ź bieł-čyrvona-biełym ściaham nie ličylisia niesankcyjanavanym pikietam.
Sudździa abłasnoha sudu Śviatłana Ivanova pastanaviła, što apraŭdalnaje rašeńnie, vyniesienaje 10-ha lutaha sudździoj Čyhunačnaha rajsudu Alenaj Hrabiančuk, padlahaje admienie. Pryčyna admieny — nieadpaviedna aformleny milicejski pratakoł, jaki razhladaŭsia ŭ sudzie: u im nibyta niedakładna nazvanyja adznaki pikietu, jaki ŭsio ž pravodziŭ Barys Chamajda.
23-ha lutaha padobnaje rašeńnie pryniała sudździa abłasnoha sudu Iryna Smalakova. Jana admianiła apraŭdalnuju pastanovu, vyniesienuju 4-ha lutaha sudździoj Čyhunačnaha rajsudu Alenaj Cyhankovaj, jakaja nia ŭbačyła ŭ dziejańniach apazycyjanera składu pravaparušeńnia.
Barys Chamajda kaža, što nijakija sudovyja rašeńni jaho nia spyniać:
«Raniej pastanovy Cyhankovaj i Hrabiančuk byli maimi „indulhiencyjami“ — mianie peŭny čas nie zatrymlivali, kali ja vychodziŭ pad bieł-čyrvona-biełym ściaham raspaŭsiudžvać niezaležnyja ŚMI. Ale ciapier sytuacyja źmianiłasia: niekalki dzion tamu mianie znoŭ zatrymali, i sudździa Čyhunačnaha rajsudu Ŭładzisłaŭ Šykaroŭ prysudziŭ mnie štraf pamieram 1 miljon 50 tysiač rubloŭ. Ja razumieju, čamu skarhi ŭ abłasny sud inicyjavaŭ načalnik Čyhunačnaha rajadździełu milicyi: jon nia choča, kab ja stajaŭ u centry Viciebsku pad nacyjanalnym ściaham i kab heta bačyli minaki».
Apazycyjaner źbirajecca pašyć novy bieł-čyrvona-bieły ściah zamiest taho, jaki zastaŭsia ŭ pastarunku, i vyjści ź im u bližejšyja dni.
3-ha studzienia spadar Chamajda abviaściŭ akcyju «2011 hod — hod nacyjanalnaha ściaha», pryśviečanuju 20-m uhodkam biełaruskaj niezaležnaści. I maje namier jaje praciahvać.
Radyjo Svaboda
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
