Hramadskaja kampanija «Budźma biełarusami!» z nahody Suśvietnaha dnia rodnaj movy prezientavała novy prajekt — «Budźma z movaj!».Na dumku arhanizataraŭ, jon dapamoža ŭsim karystalnikam kampjutaraŭ zručniej i raznastajniej užyvać štodnia biełaruskuju movu.
Kaardynatar kampanii «Budźma biełarusami!» Alena Makoŭskaja zaznačaje: «My padtrymlivajem ludziej, jakija karystajucca biełaruskaj movaj u štodzionnym žyćci i prosta nie majuć biełaruskich litar na kłavijatury. I dla vučniaŭ siaredniaj škoły, i dla piśmieńnikaŭ, i dla navukoŭcaŭ — prablema dla ŭsich adna. Vypusk takoj pradukcyi — demanstracyja prahału ŭ hetym siehmiencie biełaruskaha rynku, i, zapuściŭšy prajekt, my spadziajemsia padšturchnuć miascovych vytvorcaŭ da vypraŭleńnia biahučaj situacyi».
Adziny kamplekt litar uklučaje ŭsie movy, najbolš zapatrabavanyja sučasnymi biełarusami: biełaruskuju, anhlijskuju, rasijskuju, a taksama ŭkrainskuju dy polskuju.
Stvaralniki ŭniviersalnaj raskładki dla kłavijatury pakłapacilisia i pra amataraŭ biełaruskaj łacinki, zrabiŭšy nalepki jak z kiryličnymi, tak i z łacinskimi litarami. Biełaruskija «I», «Ŭ» i apostraf «'» pobač z łacinskimi «Љ», «I" i «Ŭ« — realny ŭzor taho, jak pryncyp «adnaho akna» pavinien być realizavany dla biełaruskich karystalnikaŭ kampjutaraŭ.
Anatol Łazar, kiraŭnik studyi dyzajnu «Adliha», z udziełam jakoj ažyćciaŭlajecca ideja, kaža, što hałoŭnaja meta prajektu — zabiaśpiečyć karystalnikaŭ zručnym instrumientam vykarystańnia rodnaj movaj na kampjutary. «Čamu, kali vam treba litara „Ŭ“, vy vymušanyja naciskać knopku z nadpisam „Ŝ“ i ŭvieś čas trymać u śviadomaści, što pad hetaj rasijskaj litaraj chavajecca biełaruskaja? Davajcie ž pačniem narešcie vypuskać našuju biełaruskuju śviadomaść na pavierchniu, chacia b pa ŭzory litaraŭ», - pierakonvaje jon. Novuju kłavijaturu možna znajści na stendach razdačy paštovak Fly Cards u Minsku.