Na fonie inšych hučnych palityčnych pracesaŭ, krychu z pola zroku vypała sprava byłoha kandydata ŭ prezidenty Ivana Kulikova.
Zahadčyk łabaratoryi abstalavańnia jadziernych enierhietyčnych ustanovak Abjadnanaha instytuta enierhietyčnych i jadziernych daśledavańniaŭ «Sosny» Ivan Kulikoŭ byŭ aryštavany 17 studzienia. Jaho abvinavacili ŭ tym, što na praciahu vaśmi hadoŭ mužčyna atrymlivaŭ zarobki za fiktyŭna aformlenych rabočych.
Aryšt i abvinavačvańnie supała z vyłučeńniem Ivana Kulikova ŭ kandydatam u prezidenty. Inicyjatyŭnaja hrupa była zarehistravanaja pry CVK, ale nie zmahła sabrać nieabchodnych 100 tysiač podpisaŭ.
Syn Kulikova Uładzimir kaža, što baćka praciahvaje znachodzicca ŭ SIZA ŭ Žodzina. «Svajakam nie dajuć sustrecca ź im. My nie robim niejkich palityčnych zajavaŭ, choć sprava vidavočna šytaja biełymi nitkami. Prosta skancentravalisia na abaronie čałavieka», — zaznačaje Uładzimir.
0
0
0
0
0
0
