Mižnarodnaje rejtynhavaje ahienctva Fitch pierahledzieła prahnoz doŭhaterminovych rejtynhaŭ defołtu emitenta siami biełaruskich bankaŭ:
Biełahraprambanka, Biełarusbanka, Biełhazprambanka, Bielinviestbanka, Biełźniešekanombanka,
BPS-banka i ZAT «Bank VTB» (Biełaruś) na ŭzroŭni «V» sa «stabilnaha» na «niehatyŭny». Pra heta havorycca ŭ paviedamleńni ahienctva
Prajm-TASS.
«Niehatyŭny» prahnoz adlustroŭvaje mierkavańnie Fitch ab tym, što finansavaja pazicyja suvierennaha emitenta značna asłabła na praciahu 4-ha kvartała 2010 h., a taksama ŭ pačatku 2011 h., i ŭ najbližejšaj pierśpiektyvie mahčymaje dalejšaje paharšeńnie. U pryvatnaści, Fitch zaniepakojeny stanoviščam z zamiežnymi finansami Biełarusi i ŭzmacnieńniem zaležnaści suvierennaha emitenta ad biełaruskich kamiercyjnych bankaŭ jak krynic zamiežnaj valuty. Sukupnyja dziaržaŭnyja valutnyja reziervy skaracilisia na 16% za 4-y kvartał 2010 h. da $5 młrd da kanca hoda i jašče na 20% da $4 młrd u studzieni i lutym 2011 h.
Adnak asłableńnie čystaj pazicyi išło bolš chutkimi tempami, bo Nacyjanalny bank Respubliki Biełaruś pavialičyŭ svaje valutnyja pazyki ad kamiercyjnych bankaŭ krainy da $3,4 młrd na kaniec 2010 h. z $1,3 młrd u kancy 3-ha kvartała 2010 h. Akramia taho, u kancy 2010 h. NBRB mieŭ značnyja zabałansavyja valutnyja abaviazańni pierad kamiercyjnymi bankami, źviazanyja z forvardnymi kantraktami i svop-pahadnieńniami. Bujnyja pazyki ad biełaruskich kamiercyjnych bankaŭ i z zamiežnych krynic, u svaju čarhu, finansavali vialiki deficyt rachunku biahučych apieracyj, jaki MVF aceńvaje ŭ 16% VUP u 2010 h. (u paraŭnańni z 13% u 2009 h.).
«Niehatyŭny» prahnoz pa hetych rejtynhach adlustroŭvaje patencyjał dalejšaha asłableńnia suvierennaj finansavaj pazicyi, što adbiłasia b na zdolnaści dziaržavy pradstaŭlać padtrymku bankam.
ej.by
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
