Siońnia ŭ Minsku ŭručać litaraturnuju premiju «Debiut» 1

21 sakavika ŭ Suśvietny dzień paezii padčas śviatočnaj cyrymonii ŭ Minsku adbudziecca ŭručeńnie litaraturnaj premii «Debiut» imia Maksima Bahdanoviča, zasnavanaj Biełaruskim PEN-Centram i Sajuzam biełaruskich piśmieńnikaŭ.

Buduć adznačanyja pieramožcy ŭ troch naminacyjach: paezija, proza, mastacki pierakład. Da razhladu žury prymalisia debiutnyja knihi, napisanyja pa-biełarusku aŭtarami ŭ vieku da 35 hod i vydadzienyja ciaham 2010 hodu, a taksama hruntoŭnyja časopisnyja i hazietnyja publikacyi.

Cyrymonija adbudziecca ŭ halerei «Ŭ».

Proźviščy pretendentaŭ na premiju:

U naminacyi «Paezija»: Iryna Bielskaja. Padborka vieršaŭ «…Bo ranak ranić». «Dziejasłoŭ», № 44. Ihar Kulikoŭ. Padborka vieršaŭ «Zakon uzajemnaje nievylečnaści». «Dziejasłoŭ», № 47. Vital Ryžkoŭ. Zbornik paezii «Dźviery, zamknionyja na klučy». Miensk, «Łohvinaŭ», 2010.

U naminacyi «Proza»: Siarhiej Jeharejčanka. «Apovieść pra čałavieka, jaki nie chacieŭ być Boham». «Litaraturnaja Biełaruś»/«Novy čas», kastryčnik 2010. Anka Upała. «Iń-Jan». Iraničnyja apoviedy. «Dziejasłoŭ», № 47. Natałka Charytaniuk. «Trynaccać historyj pra miortvaha kata». Miensk: «Łohvinaŭ», 2010.

U naminacyi «Pierakład»: Anton Francišak Bryl / Džon Ronald Tołkin. «Kaval ź Vialikaha Vutanu». Miensk, «Łohvinaŭ», 2010. Pierakład z anhielskaj. Nasta Łabada / Tuve Jansan. «Maleńkija troli i vialikaja pavodka». Miensk: «Źmicier Kołas», 2010. Pierakład sa šviedskaj. Volha Ćvirka / Mikael Niemi. «Papularnaja muzyka ź Vituły». Miensk: «Łohvinaŭ», 2010. Pierakład sa šviedskaj.

***

Vystupiać piśmieńniki i pierakładčyki Hienadź Buraŭkin, Aleś Razanaŭ, Uładzimir Arłoŭ, Barys Piatrovič, Lavon Barščeŭski, Andrej Chadanovič, a taksama — maładyja aŭtary, tvory jakich uvajšli ŭ šort-list premii i pieśni na vieršy Maksima Bahdanoviča ŭ vykanańni biełaruskich muzykaŭ. Paśla cyrymonii adbudziecca aŭtohraf-siesija pieramožcaŭ u kniharni vydaviectva «Łohvinaŭ» pry halerei.

0

0

0

0

0

0

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH