Dyrektar teleradyjokampanii «Mahiloŭ» śćviardžaje, što supracoŭniki mahiloŭskaha telebačańnia nie parušyli prafiesijnaj etyki, kali rabiła zdymki ŭ pryvatnym domie biez dazvołu haspadaroŭ, a taksama pryznaje isnavańnie ciesnaha supracoŭnictva svaich žurnalistaŭ z pravaachoŭnymi orhanami.
Mahilaŭčanin Uładzimir Kraŭčanka paśla incydentu, jaki zdaryŭsia viečaram 16 listapada – kali ŭ jaho pryvatny dom uvarvałasia zdymačnaja hrupa abłasnoha telebačańnia i pačała rabić zdymki biez dazvołu na toje, nakiravaŭ skarhu kiraŭniku Mahiloŭskaj teleradyjokampanii.
Dyrektar TRK «Mahiloŭ» Alaksandr Iljinski 30 listapada dasłaŭ aficyjny adkaz dzie havorycca, što 16 listapada pa nazvanym adrasie rabotniki TRK «sumiesna z supracoŭnikam milicyi, jaki pravodziŭ pravierku zachavańnia pašpartnaha režymu, zdymali repartaž».
«Piarečańniaŭ na zdymku ŭ pryvatnym domie ad prysutnych nie pastupała, parušeńniaŭ prafiesijnaj etyki rabotnikami teleradyjokampanii ŭ časie zdymkaŭ nie było, što paćviardžajecca samim videazapisam repartažu, – śćviardžajecca ŭ liście kiraŭnika mahiloŭskaha telebačańnia. «U suviazi z vyšejvykładzienym, liču pretenzii vykładzienyja ŭ vašym zvarocie, nieabhruntavanymi», – paviedamiŭ A. Iljinski.
Miž tym, siužet z vykarystańniem videazdymkaŭ ŭ mahiloŭskim pryvatnym domie vyjšaŭ u efir Pieršaha kanała ŭ prahramie «Panorama niedieli» za 3 śniežnia. U repartažy – razhublenyja tvary prysutnych i bujny płan češskaj hości, jakaja niešta havoryć u mikrafon, ale huku hledačam nie čuvać. Demanstracyi pašpartnaj albo jakoj inšaj pravierki dakumientaŭ u prysutnych u repartažy niama. Supracoŭnik milicyi ŭvohule ni razu nie źjaŭlaŭsia ŭ kadry (kali jon nie byŭ, zrazumieła, ŭ cyvilnym adzieńni). Ale ŭ sinchronna ahučanym kavałku repartažu, dzie pakazvajuć bujnym płanam sp-ra Uł. Kraŭčanku čuvać, jak jon patrabuje spynić niedazvolenyja zdymki i pakinuć jaho žyllo.
Hołas žurnalistki Iryny Akułovič za kadram kamientuje videarad – nibyta ŭ domie adbyvałasia schavanaja narada zamiežnych emisaraŭ z hrupaj mahiloŭskaj moładzi pa niejkich niebiaśpiečnych ideałahičnych pytańniach, a tema ekałohii – nie bolš, jak prykryćcio patajemnaj sustrečy.
Jak paviedamiŭ haspadar žylla Uł. Kraŭčanka supracoŭniku słužby manitorynhu BAŽ, nasamreč u toj dzień u jaho domie nijakaj pašpartnaj pravierki nie pravodziłasia.
«Tut adbyvałasia siabroŭskaja sustreča hrupy mahiloŭskich hramadskich aktyvistaŭ z dvuma českimi haściami, abmiarkoŭvałasia mahčymaje supracoŭnictva niefarmalnych ekołahaŭ Mahilova z kalehami z Čechii. Sustreča, na jakuju nichto nie zaprašaŭ pabočnych ludziej, a tym bolš – telebačańnie, była pierarvanaja i ŭrešcie sarvanaja niečakanym praniknieńniem u dom televizijnaj hrupy ŭ supravadžeńni, jak sapraŭdy vyjaviłasia paźniej, milicejskaha aficera», – raspavioŭ spadar Kraŭčanka.
Pradstaŭnik pravaachoŭnych orhanaŭ adnak, jak śviedčać udzielniki sustrečy, pavodziŭ siabie pasiŭna, całkam addaŭšy inicyjatyvu televizijščykam. Tyja ž z paroha raspačali apytańnie prysutnych nakont mety ichnaha znachodžańnia ŭ domie i zdymki ludziej i inteŕjeru, ni ŭ koha nie pytajučysia na toje dazvołu.
Sproby inicyjatara i haspadara sustrečy Uł.Kraŭčanki, spynić niesankcyjanavanyja zdymki spasyłkami na adpaviednyja artykuły Kanstytucyi Biełarusi i mižnarodnyja akty, što achoŭvajuć pryvatnaje žyllo ad niesankcyjanavanaha praniknieńnia, pośpiechu nie prynieśli. Žurnalisty razam ź milicianieram syjšli tady, kali sami paličyli svaju zadaču vykananaj.
Takim čynam śćvierdžańni dyrektara TRK «Mahiloŭ» A. Iljinskaha, što nichto z prysutnych nie piarečyŭ zdymkam, i heta nibyta paćviardžajecca repartažam, nie stykujucca, havoračy prafiesijnaj televizijnaj movaj, ź videaradam.
