kab sabrać hrošy na budaŭnictva spartovych abjektaŭ daHulniaŭ-2012 u Łondanie.
Dvanaccać pradstaŭnic brytanskaj alimpijskaj zbornaj pa vodnych vidach sportu, jakija pretendujuć na ŭznaharody
Pad nahladam dvuch vadałazaŭ z kisłarodnymi maskami dziaŭčaty pa čarzie paziravali fatohrafu Daily Mail Endzi Chupieru, jaki potym z dapamohaj kampjutera sabraŭ najbolš udałyja zdymki va ŭražlivy kałaž. Sfatahrafavać ŭsich adrazu ŭ efiektnych pozach nie ŭjaŭlałasia mahčymym.
Pa słovach udzielnic, mnohija ź ich prykłali niamała namahańniaŭ, kab pieramahčy ŭłasnyja kompleksy, a taksama pierakanać svajakoŭ i bojfrendaŭ u nieabchodnaści zdymacca halakom — niekatorych pryjšłosia prosta pastavić pierad faktam.
Płyŭčycha Stiejsi Tod navat pryviała z saboj mamu dla maralnaj padtrymki, a voś vaterpalistka Liza Hibsan, naadvarot, absalutna nie niervavałasia. «Mianie značna bolš chvalavała, jak ja budu ŭśmichacca i zatrymlivać dychańnie adnačasova», — zajaviła jana.
Brytanskaja nacyjanalnaja łatareja, u padtrymku jakoj ładziłasia akcyja, kuryruje padrychtoŭku bolš za 1200 atletaŭ, a taksama adčuvalna dapamahaje budaŭnictvu alimpijskich abjektaŭ — pa hetym artykule ŭ biudžet užo pastupiła 2,2 miljarda funtaŭ sterlinhaŭ.
Dla pradstaŭnikoŭ alimpijskaj zbornaj Vialikabrytanii heta nie pieršy padobny dośvied. Naprykład, niekatoryja ź ich paziravali aholenymi miascovamu fatohrafu Nadavu Kanderu, kali toj zadumaŭ stvaryć partfolia aholenych spartsmienaŭ, jakija hulajuć svaimi ciahlicami. Paźniej zdymki byli vykarystanyja dla rekłamy spartyŭnaha napoju Powerade, jaki źjaŭlaŭsia adnym z fundataraŭ Alimpijskich hulniaŭ u Piekinie.
Adznačym taksama, što ŭ Šviejcaryi chakieisty i fiechtavalščycy ŭ svoj čas zaklikali hramadzian svajoj krainy bolš aktyŭna karystacca preziervatyvami pierad niebiaśpiekaj pašyreńnia ŚNIDu. Rekłamnyja płakaty tady pryciahnuli asablivuju ŭvahu žycharoŭ, pakolki biaśpiečny seks na ich rekłamavali całkam aholenyja spartsmieny. Śmiełyja fota, dzie pahroźlivyja pradmiety spartyŭnaha invientara susiedničali ź biezabaronnymi ciełami, supravadžaŭ słohan «Nivodnaha dziejańnia biez abarony».
