Kancert «Salidarnyja ź Biełaruśsiu» — Varšava, 27 sakavika 1

Što, kali, dzie:

— 27 sakavika, kala apoŭdni — «apazicyjnaja» haradskaja hulnia (terytoryja Śródmieścia; uvaha, papiaredni zapis)

— 27 sakavika, a 18-j hadzinie — vialiki kancert (Plac Defilad)

Inicyjatyva Volnaja Biełaruś (IVB) čarhovy raz arhanizuje polska-biełaruski kancert zorak z abiedźviuch krain, muzykaŭ, jakija padtrymoŭvajuć salidarnaść z pryhniečanymi režymam biełarusami. Łozunham kancertu źjaŭlajecca słohan «Pačuj nas!» — samaje hałoŭnaje dla biełaruskaj spravy źjaŭlajecca toje, kab hramadzianie Jeŭropy zaŭsiodna pamiatali ab Biełarusi i razam sprabavali viarnuć hety kraj u jeŭrapiejskuju siamju, zajaŭlajuć arhanizatary.

Kancert (Plac Defilad) adbudziecca la Pałaca Kultury, a na scenie vystupiać zorki z Polščy i Biełarusi. Nie budzie niedachopu jamajskich rytmaŭ u vykanańni Maleo Reggae Rockers, «ska-pankaŭskaj paezii» bielskaha hurtu Akurat, a taksama muzyčnych razvažańniaŭ ab kachańni Januša Stašeŭskaha — syna lehiendarnaha Kazika! Na varšaŭskuju placoŭku zavitajuć taksama sapraŭdnyja lehiendy antyłukašenkaŭskaj muzyčnaj partyzanki: Krama, h.z. viečna małady bluz-rokavy hurt z muzykaj dla darosłych, Recha — vydatny hurt, jaki hraje muzyku z pahraničča folku i alternatyvy. A na desert — niezaležny repier maładoha pakaleńnia biełarusaŭ, a mienavita naravisty Vinsent.

Kancert — heta nie ŭsio!

Dla varšavian admysłova padrychtavali pryvabnuju haradskuju hulniu, jakaja adbudziecca 27 sakavika ŭ paślaabiedzieny čas

(dakładnaja data budzie vyznačana paśla zakančeńnia naboru ŭdzielnikaŭ), pierad kancertam Salidarnyja ź Biełaruśsiu. Padčas jaje udzielniki zmohuć, jak kažuć «na svajoj skury» adčuć sabie biełaruskim apazicyjanieram, tak naprykład siarod inšaha udzielniki zmohuć raspaŭsiudžvać ulotki ŭ «realijach» dyktatarskaha režymu, jaki budzie pieraškadžać u vykanańni zadańnia. Taksama jość mahčymaść sfatahrafavańnia z kandydatam u prezidenty, kantrabanda apazycijnych materyjałaŭ i ašukańnie pracaŭnika KDB praz telefon i šmat inšych cikavych zadańniaŭ.

***

Pieršy kancert «Salidarnyja ź Biełaruśsiu» byŭ arhanizavany ŭ 2006 hodzie i z taho času staŭ stała pravodzicca ci ŭ kancy sakavika, ci napačatku krasavika; pierapynak adbyŭsia tolki ŭ 2010 hodzie z-za trahiedyi ŭ Smalensku i nacyjanalnaj žałoby. U hetym hodzie kancert viartajecca, kab znoŭku ź vialikim rozhałasam adbycca na mapie varšaŭskich kulturnych padziej.

Bolš infarmacyi na wolnabialorus.pl

0

0

0

0

0

0

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH