Takuju hipotezu ahučyŭ krajaznaviec Anatol Kapciuh.
.jpg.webp)
20 sakavika ŭ Vilejcy na Dniach pravasłaŭnaj knihi Kapciuh i supracoŭnica krajaznaŭčaha muzieja Natalla Jafimava pradstavili paćviardžeńni hetamu.
Usio pačałosia z taho, što Anatol Kapciuh supastaviŭ hierb Rahoza z vydavieckaj markaj Ivana Fiodarava, jakija vielmi padobnyja.
«Ci nie tyja heta Rahozy, što žyli niekali na Vilejščynie — u Łukaŭcy, Chacienčycach i Servačy?» – zadaŭsia pytańniem krajaznaviec. Daśledčyk ža bijahrafii Fiodarava V.Łukomski zaznačaje, što Fiodaraŭ — heta imia pa baćku, a nie proźvišča, jak niechta moža padumać.
Fond Fiodarava pry Instytucie słavianaznaŭstva Rasijskaj Akademii navuk taksama spyniŭsia na tym, što uschodniesłavianski pieršadrukar źviazany z rodavym hierbam biełaruskich šlachcicaŭ Rahozaŭ abo pachodžańniem, abo pa tak zvanaj prypiscy, adaptacyi. Adnak fond nie daje adkazu, ź jakoj miascovaści dakładna pachodzić Ivan Fiodaraŭ.
Jakija arhumienty znajšli Anatol Kapciuh i Natalla Jafimava na karyść svajoj hipotezy? Ich kala dziasiatka. Ale spynimsia na najbolš pierakanaŭčych.
Arhumient pieršy.
U 1528 hodzie ŭ dvary Ašmiena Vilenskaha pavieta, da jakoha byli prypisanyja našyja ziemlaki-Rahozy žyŭ Fiodar Rahozič (Rahoza), što vynikaje ź pierapisu vojska Vialikaha Kniastva Litoŭskaha 1528 hoda.
Arhumient druhi.
U akcie raździeła majomaści Łukaŭca i Chacienčyc na try častki zhadvaje Bahdana Fiodaraviča Rahozu.
Arhumient treci.
U dakumiencie ab ziamielnych sprečkach haspadaroŭ Chacienčyc i Łukaŭca zhadvajecca «častka Bahdanaŭskaja i Maskoŭskaja». Bahdanaŭskaja, ličać Kapciuh i Jafimava, tyčycca Bahdana Fiodaraviča Rahozy, a Maskoŭskaja, jaho brata Ivana Fiodaraviča (Fiodarava) Rahozy, jaki ŭ toj čas (1570) žyŭ u Maskvie i byŭ tym samym Ivanam Fiodaravym, aŭtaram pieršaj drukavanaj ślavianskaj azbuki.
Takim čynam, zhodna z hipotezaj Anatola Kapciuha pieršadrukar Ivan Fiodaraŭ — biełaruski šlachcic Ivan Fiodaravič Rahoza. Miesca jaho naradžeńnia — Vilejščyna. Dokazaŭ, jaki ja b razburyli hetu hipotezu, ličać Anatol Kapciuh i Natalla Jafimava, niama.
Dalej možacie prahladzieć słajd-film, padrychtavany Natallaj Jafimavaj, jaki abhruntoŭvaje hetu hipotezu i raskazvaje ab viadomych momantach z žyćcia aśvietnika i pieršadrukara Ivana Fiodarava.
