Vatykanskija archieolahi śćviardžajuć, što majuć kančatkovyja dokazy taho, što ŭ rymskaj bazylicy śviatoha Paŭła za Murami znachodzicca aŭtentyčnaja mahiła Apostała Narodaŭ.
– My ŭpenienyja, što ŭ hrabnicy, što była pryznanaja ŭžo ŭ čaćviortym stahodździ, pachavany śviaty Apostał Pavał, – paviedamiŭ archieolah Džordža Filipi, jaki kiravaŭ daśledčymi pracami ŭ bazylicy.
Pavodle jaho słovaŭ, archiealahičnaja hrupa znajšła ŭ miescy nižej za hałoŭny ałtar rymski sarkafah z dakładnym nadpisam «Pavał Apostał i Mučanik».
Archiealahičnyja pracy, metaj jakich było paćvierdžańnie aŭtentyčnaści mahiły śviatoha Paŭła, išli ŭ bazylicy z 2002 h. Źmiest sarkafahu pakul nia byŭ daśledavany, ale Filipi nie vyklučaje, što zrobić heta ŭ budučyni. Jon raspavioŭ, što ŭ sarkafahu jość nievialikaja ščylina.
Pa słovach Filipi, u 2000 h. z nahody Vialikaha Jubileju, jaki tady śviatkavaŭsia Kaściołam, rymskaja bazylika śviatoha Paŭła za Murami była litaralna asadžanaja pilihrymami. Tady i było pryniata rašeńnie pra toje, kab zrabić mahiłu Apostała Narodaŭ dastupnaj dla viernikaŭ.
