Abvieščany prysud u spravie Źmitra Daškieviča i Eduarda Łobava.
Źmicier Daškievič i Eduard Łobaŭ na sudzie.
Baćki: Viačasłaŭ Daškievič i Maryna Łobava. Fota Siarhieja Hudzilina.
Maryna Łobava i Maryna Adamovič, žonka Mikoły Statkieviča. Fota Siarhieja Hudzilina.
Viačasłaŭ Daškievič. Fota Siarhieja Hudzilina.
Sudździa pakarała maładafrontaŭcaŭ nastupnym čynam. Kiraŭnik arhanizacyi Źmicier Daškievič atrymaŭ dva hady kałonii ahulnaha režymu, a jaho paplečnik — Eduard Łobaŭ — čatyry ŭ kałonii ŭzmocnienaha režymu.
Chłopcaŭ pryznali vinavatymi ŭ złosnym chulihanstvie u źbićci dźviuch asobaŭ na vulicy.
«Paciarpiełyja» ŭ zale suda tak i nie źjavilisia. Jany adkazvali na pytańniz-za ścienki. Vidać, bajalisia dalejšaj raspravy.
Daškieviča i Łobava zatrymali 18 śniežnia, za dzień da padziej na Płoščy.
Pravaabaroncy vykazali mierkavańnie, što dvoje «paciarpiełych» — heta tak zvanyja «cichušniki», asoby, zavierbanyja śpiecsłužbami dla pravakacyj. Na dumku naziralnikaŭ, heta mohuć być dekłasavanyja elemienty, zaležnyja ad ałkaholu.
Abodva jany, i Małyšaŭ, i Savicki, u svaje prykładna 30 hadoŭ nidzie nikoli (!) nie pracavali. Małyšaŭ navat mabilnikam nikoli nie karystaŭsia. «Ja admaŭlaju dasiahnieńni sučasnaj navuki».
«A dzie vy biaracie hrošy na kafe?» — zapytałasia ŭ jaho advakatka. — «Boh daje», — prahučaŭ hołas
Pavodle pakazańniaŭ Savickaha i Małyšava, jany sustrelisia na vulicy Bryla «absalutna vypadkova». Pry hetym abodva hetyja biespracoŭnyja dajechali tudy na paputkach. Potym jany, maŭlaŭ, vyrašyli pajechać u centr horada. I papytalisia ŭ Daškieviča j Łobava, jak prajści da prypynku. A paśla pytańnia pra cyharety, nibyta, «Daškievič biespryčynna nanios udar Alehu ŭ žyvot»…
Pa svaim cyniźmie palityčny praces
