23 sakavika Tacianie Sieviaryniec, maci sustaršyni arhkamitetu pa stvareńni partyi «Biełaruskaja Chryścijanskaja Demakratyja» Paŭła Sieviarynca, pryjšoŭ list, adrasavany jaje synu i padpisany byłym prezydentam Čechii Vacłavam Havełami šaściu siabrami mižnarodnaha abjadnańnia «Hramadzianskaja Biełaruś», u tym liku jaho dyrektaram Janam Rumłam. «Jany vielmi pryhoža padpisalisia, roznakalarovymi stryžniami, a Vacłaŭ Haveł navat namalavaŭ serca paśla svajho podpisu», — adznačyła Taciana Sieviaryniec.
«Šanoŭny Pavieł Kanstancinavič! My z nadziejaj sačyli za Vašym hramadzianskim pratestam suprać chodu i vynikaŭ prezidenckich vybaraŭ i byli aburanymi śviedkami žorstkich zachadaŭ suprać Vas z boku milicyi i KDB», — havorycca ŭ liście.
Palityki taksama zajaŭlajuć pra niedapuščalnaść pieraśledu palityčnych apanentaŭ i parušeńnia asnoŭnych demakratyčnych pryncypaŭ, niedapuščalnyja pavodzinaŭ biełaruskich uładaŭ.
«Dazvolcie razam z Vami adznačyć 25 sakavika važny dzień biełaruskaj dziaržaŭnaści i vykazać Vam, prynamsi zavočna, svaju hramadzianskuju padtrymku i salidarnaść. My vierym, što Vaša pazicyja budzie ŭznaharodžana sapraŭdy hodnym žyćciom u Vašaj cudoŭnaj krainie», — padkreślili aŭtary listu.
0
0
0
0
0
0
