Muzyčnaja spadčyna Rečy Paspalitaj prahučyć 29 sakavika ŭ Nacyjanalnaj biblijatecy 1

29 sakavika, a 17-j hadzinie ŭ halerei «Łabirynt» Nacyjanalnaj biblijateki Biełarusi (prasp. Niezaležnaści, 116, 3-ci pavierch) adbudziecca kancert-prezientacyja sieryi notnych vydańniaŭ «Muzyčnaja spadčyna Rečy Paspalitaj z Rasijskaj Nacyjanalnaj biblijateki».

Arhanizatary kancerta-prezientacyi — Nacyjanalnaja biblijateka Biełarusi i vydaviectva «Čatyry čverci».

Vypusk sieryi «Muzyčnaja spadčyna Rečy Paspalitaj z Rasijskaj nacyjanalnaj biblijateki» — heta sproba paznajomić usich zacikaŭlenych z muzyčnaj kulturaj Rečy Paspalitaj XVII–XIX st.st., dakranucca da cikaviejšaha pomnika kultury XVII st. pačatku XVIII st. «Davydkaŭskaha irmałahijona», nanova adkryć tvory kampazitaraŭ Antona Abramoviča, Napaleona Ordy, Fłaryjana Miładoŭskaha, Juzafa Ihnacy i Kajatana Krašeŭskich, Kanstancina Horskaha, Alaksandra i Michała Jelskaha.

Sieryja zasnavana ŭ 2008 hodzie kampazitaram i daśledčykam, dacentam Biełaruskaha dziaržaŭnaha ŭniviersiteta kultury i mastactvaŭ Jaŭhienam Papłaŭskim. Na siońniašni dzień vyjšła 10 sšytkaŭ.

U ramkach mierapryjemstva prahučać tvory ŭ vykanańni Narodnaha artysta Biełarusi, prafiesara Ihara Ałoŭnikava, studentaŭ Biełaruskaj dziaržaŭnaj akademii muzyki, navučencaŭ Respublikanskaj himnazii-kaledža pry Biełaruskaj dziaržaŭnaj akademii muzyki.

Vydańnie sieryi — sumiesny prajekt Rasijskaj nacyjanalnaj biblijateki, Biełaruskaha dziaržaŭnaha ŭniviersiteta kultury i mastactvaŭ, vydaviectva «Čatyry čverci» pry finansavaj padtrymcy Polskaha instytuta ŭ Sankt-Pieciarburzie.

0

0

0

0

0

0

tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH