Pradpryniataja Nacbankam RB miera pa pašyreńni valutnaha kalidora na pazabiržavym rynku z 2% da 10% choć i źjaŭlajecca krokam u pravilnym kirunku, adnak nie palepšyć situacyju z deficytam valuty ŭ krainie.
Takoje mierkavańnie adlustravana ŭ analityčnaj zapiscy ekśpiertaŭ aŭstryjskaha banka Raiffeisen.
«My rasceńvajem pavieličeńnie hnutkaści abmiennaha kursu jak krok u pravilnym kirunku…», — kažuć aŭtary natatki.
«U toj ža čas miera zdajecca pałavinistaj i nizkaefiektyŭnaj», — adznačajuć ekśpierty banka.
Pakolki banki prapanoŭvajuć da prodažy na pazabiržavym rynku tolki valutnuju vyručku svaich klijentaŭ, a nie svaje valutnyja aktyvy, a kurs pazabiržavym rynku ŭžo daŭno pieraadoleŭ ustalavany Nacbankam limit, to dadzienaja miera, pierakananyja ekśpierty Raiffeisen, nie zmoža ažyvić pazabiržavy rynak.
«Takim čynam, rašeńnie ab 10%-ym kalidory na najbolš nielikvidnym siehmiencie valutnaha rynku chutčej pryniata dla zachavańnia tvaru Nacbanku, jaki nie žadaje ŭstupać u poŭnuju kanfrantacyju z nasielnictvam u vyhladzie devalvacyi», — pišuć jany.
Na dumku ekśpiertaŭ, u čakańni dalejšaha pasłableńnia rubla, pradpryjemstvy addaduć pieravahu nazapašvańniu svaich valutnych aktyvaŭ, čym prodažu ich pa zanižanym kursie.
Raiffeisen nie vyklučaje, što ŭ bližejšy čas Nacbank pojdzie na čarhovyja miery dla skaračeńnia deficytu valutnaj likvidnaści, uklučajučy dalejšaje padvyšeńnie hnutkaści abmiennaha kursu — paŭnavartasnuju devalvacyju.
