Biełarusy zaciahnuć pajasy. Urad i Nacbank realizujuć miery, nakiravanyja na źmianšeńnie ŭnutranaha popytu. Inšymi słovami, na źnižeńnie inviestycyj u vytvorčaść i dachodaŭ nasielnictva.
Pra heta paviedamlaje ŭ miehahałoŭnym artykule łukašenkaŭskaje ahienctva BIEŁTA. Minfin tłumačyć patrebu hetaha źnižeńniem suvierennych kredytnych rejtynhaŭ Biełarusi.
Što miarkujecca zrabić?
Ministr ekanomiki Biełarusi Mikałaj Snapkoŭ zajaviŭ ab płanach pa skaračeńni dziaržprahram na 50%, spasłaŭšysia na daručeńnie Alaksandra Łukašenki.
«Prezidentam pastaŭlena zadača pačynać pierahlad dziaržprahram z ulikam skaračeńnia ich finansavańnia na 50% pry dasiahnieńni tych ža vynikaŭ», — skazaŭ M. Snapkoŭ na bryfinhuŭ čaćvier u Minsku. Praŭda, ciažka zrazumieć, jak možna zvaryć litr supu, kali zalić paŭlitra vady.
Ministr padkreśliŭ, što «Minekanomiki i ŭrad nie viaduć razmova ab skaračeńni sacyjalnych prahram — budzie skaračacca finansavańnie prahram u realnym siektary ekanomiki», — skazaŭ jon. Jahonyja słovy cytuje ahienctva «Interfaks».
Snapkoŭ taksama padvioŭ pad novy kurs urada ideałahičnuju asnovu: apošniuju zajavu Łukašenki pra toje, što «žyć treba pa srodkach».
U Minfinie adznačyli, što ŭrad stavić na mecie skaračeńnie deficytu biudžetu z 3 pracentaŭ da 1,5 pracenta da VUP. Dla hetaha miarkujecca «pavysić rolu pradpryjemstvaŭ syravinnych halin u farmavańni dachodaŭ bieź źmianieńnia ŭzroŭniu padatkovaj nahruzki na ekanomiku krainy ŭ cełym, a taksama aptymizacyjaj i abmiežavańniem raschodaŭ biudžetnych arhanizacyj i abjomaŭ dziaržaŭnych inviestycyj». Heta značyć, miarkujecca macniej daić «Biełaruśkalij», a taksama źnižać traty.
Urad harantuje, što budzie i nadalej płacić za raniej uziatyja kredyty —pytańnie, jakoje najmacniej turbuje zamiežnych trymalnikaŭ biełaruskich ablihacyj.
Nacyjanalny bank 31 sakavika abvieściŭ maratoryj na pryniaćcie novych rašeńniaŭ u halinie valutnaj, kursavoj i
Atrymańnie dziaržaŭnaha kredytu
U minułyja hady Biełaruś atrymlivała stabilizujučyja pazyki ad Mižnarodnaha valutnaha fondu pad nizki pracent. Sioleta heta stała niemahčymym, bo ŭ MVF bolšaść hałasoŭ naležyć ZŠA i krainam ES, a Biełaruś rezka pahoršyła adnosiny z Zachadam paśla vybaraŭ. Zachad pryznaŭ vybary ŭ Biełarusi sfalšavanymi i asudziŭ masavyja aryšty palityčnych praciŭnikaŭ Łukašenki. Razdražnieńnie zachodnich elit vyklikaje taksama prapahandysckaja hniuś łukašenkaŭcaŭ.
Jašče raniej
biełaruski ŭrad doŭhija hady atrymlivaŭ finansavańnie z Maskvy, uzamien za palityčnuju łajalnaść i palityku rusifikacyi. Z časam Rasija stała patrabavać u dadatak jašče i prodažu biełaruskaj majomaści va ŭłasnaść rasijskich kampanij.Tak, Łukašenka vymušany byŭ sastupić «Hazpromu» «Biełtranshaz». Rasijski dziaržaŭny «Śbierbank» atrymaŭ kantrol nad
Možna mierkavać, što vydzialeńnie novych kredytaŭ Maskva ŭviazvaje z novymi pryvatyzacyjnymi kantraktami na svaju karyść. Usiaho hetym razam Minsk prosić 3 miljardy dalaraŭ.Pry hetym ahulnaja zapazyčnaść Biełarusi ŭžo dasiahnuła prykładna 28 ci 29 miljardaŭ — dakładnych źviestak niama na kaniec sakavika pakul niama. U toj ža čas za zimu zołatavalutnyja zapasy skaracilisia na 30% da 4 miljardaŭ dalaraŭ, a zapazyčanaść Nacbanku kamiercyjnym bankam vyrasła na 20% da 4,4 miljardaŭ dalaraŭ.
Mižnarodnyja rejtynhavia ahienctvy na hetym tydni čarhovy raz panizili kredytny rejtynh Biełarusi. Unutry krainy nasielnictva asadžaje abmieńniki, sprabujučy kupić valutu. Pry raźlikach miž pradpryjemstvami ŭstanaviŭsia šery kurs rubla — 3600–3700 za dalar. Bolšaść eksparcioraŭ prosta prytrymlivaje valutu ŭ čakańni devalvacyi.
Kab źmiakčyć situacyju, Nacbank devalvavaŭ rubiel na 6% ad pačatku hoda, a 29 sakavika — jašče na 10% dla pradpryjemstvaŭ (kurs dla nasielnictva zastaŭsia raniejšy).
Ad 29 sakavika banki mohuć pradavać jurasobam dalary pa 3340 rubloŭ, a jeŭra — pa 4720 rubloŭ. Kurs u abmieńnikach prykładna na 8% nižejšy.
U čakańni zbaviennych rasijskich kredytaŭ ułady adčajna starajucca prapłyć miž Scyłaj devalvacyi i Charybdaj defołtu.Z adnaho boku, Łukašenka asabista abiacaŭ nasielnictvu, što devalvacyi nie budzie. Z druhoha boku, zachavańnie zavyšanaha kursa rubla pryvodzić da rostu impartu i vymyvańnia valuty z krainy.
Try miesiacy tamu Łukašenka publična zabaraniŭ ažyćciaŭlać novyja zamiežnyja zapazyčvańni. Jon taksama pryznaŭ, što «kraina žyvie nie pa srodkach». Adnak niahladziačy na takija hučnyja zajavy, ad taho času Biełaruś ažyćciaviła novyja zapazyčvańni praz vypusk ablihacyj. Bolš za toje, rychtujecca vypusk ablihacyj abłvykankamaŭ i «Biełarusbanka». Što da rasijskich kredytaŭ, to ad pasła Rasii Surykava stała viadoma, što Maskva abumoŭlivaje ich «strukturnymi reformami ŭ ekanomicy». Pakul nieviadoma, što dakładna majecca na ŭvazie.
Devalvacyjnyja čakańni ŭzmacnialisia mierkavańniami, što asłableńnie biełaruskaha rubla — adno z patrabavańniaŭ rasijskaha Minfina.
Novy kurs urada vymušany: zołatavalutnyja reziervy krainy źnizilisia da niebiaśpiečnaha ŭzroŭniu, u krainie ŭźnik deficyt valuty. Pierad Biełaruś ustaŭ pryvid defołtu. Usio heta vyklikana pierahrevam ekanomiki ŭ 2009–2010 hadach. U vyniku skaračeńnia dziaržprahram možna čakać źmianšeńnia realnaha ekanamičnaha rostu i źnižeńnia ŭzroŭniu žyćcia.
