Heta byŭ pieršakrasavicki žart: prahramist ź Minska nadresiravaŭ ptušak na pisańnie «ŠOS» 46

Karespandent «Našaj Nivy» sustreŭsia ź niezvyčajnym čałaviekam. Pa prafiesii prahramist, jon sa škoły zachaplajecca arnitałohijaj, siabra hramadskaha abjadnańnia «Achova ptušak Baćkaŭščyny» (APB). Naš surazmoŭca — Michaił Dziatlik, jaki pražyvaje z baćkami ŭ adnym z spalnych rajonaŭ Minska — Šabanach.

«Sała-nalepki».

Zaradžanaja kłavijatura.

Na bajavym dziažurstvie.

Sinicy z Šabanoŭ zmahajucca za svabodnuju Biełaruś.

Ptušyny Tviter.

Naša Niva: Raskažy, kali łaska, pra svoj prajekt.

Michaił Dziatlik: Ideja pryjšła, kali ja prahladaŭ sajt pashtouka.org. Mnie pryjšła ŭ hałavu dumka, a čamu b nie aŭtamatyzavać praces z dapamohaj ptušak?

Ja vyrašyŭ spałučyć svaje palityčnyja pierakanańni i svajo ptušynaje chobi.

Ustalavaŭ niepatrebny kamputar kala vakna, padklučyŭ jaho da interneta, załahiniŭsia na Tvitery, kłavijaturu vynies za vakno i prymacavaŭ kavałki sała da kłavišaŭ. Sinicy i vierabji lubiać častavacca sałam, kali sprabujuć pakaštavać kožny kavałak pa čarzie, naciskajuć dziubami huziki kłavijatury, atrymlivajecca drukavany tekst, jaki potym aŭtamatyčna dasyłajecca na sajt.

NN: Čamu ty vybraŭ mienavita Tviter dla realizacyi idei?

MD: Niekalki pryčynaŭ. Apošni hod internet-servisy kštałtu Fejsbuku ci Tvitera adyhrali vialiku rolu ŭ baraćbie za demakratyju, ich tak i nazyvali — «Tviter-revalucyi». Pa-druhoje, «tvit» (tweet) pierakładajecca z anhielskaj movy jak «čyryk». Taksama, u Tvitera abmiežavańnie daŭžyni kamientara na 140 simvałaŭ, i dla ptušak hetaha zvyčajna dastatkova.

NN: Kali reč pajšła pra daŭžyniu kamientaraŭ, to jakim čynam ptuški mohuć pisać niešta asensavanaje?

MD:

Ciapier davoli papularnym kamientaram na biełaruskich sajtach źjaŭlajecca «ŠOS»,

takim čynam ja dapamoh ptuškam, abmiežavaŭšy nabor kłaviš, i jany ciapier mohuć tolki pisać kamientar «ŠOS» albo inšyja varyjanty jak «OŠS», ci «SOŠ», jakija ŭ pryncypie majuć taki ž samy sens.

NN: Ź jakimi ciažkaściami ty sutyknuŭsia padčas realizacyi prajekta?

MD: Nijakich ciažkaściaŭ nie było, chiba što tolki jak zamacoŭvać sała, bo jano nijakim klejem nie biarecca. Taksama pryšłosia ekśpierymientavać z vahoj kavałkaŭ sała, kab siły sinicy było dastatkova dla naciskańnia kłavišy dziubaj.

NN: Na kolki chapaje «raschodnikaŭ»?

MD: Zimoj, asabliva ŭ marazy, raz na dzień treba było mianiać sała, bo pradzioŭbyvali da płastyku. Ciapier, uviesnu, mohuć i za tydzień nie dakranucca.

NN: Jakija płany na budučyniu?

MD: Hetaj zimoj ja, skažam tak, vyprabavaŭ ideju, u nastupnym hodzie płanuju naładzić sumiesna z kampanijaj «Budźma» vypusk hatovych naboraŭ sała-nalepak dla kłavijatur. Tudy buduć uvachodzić nalepki z sała dla kłavišaŭ «Š», «O», «S» i «Enter».

Mahčyma, buduć niejkija varyjanty dla prychilnikaŭ łacinki.

Knopki ŭ raskładcy łacinki supadajuć «Š» — «Š», «O» — «O», «C» — «S», tamu padobna na toje, što kamplekt budzie adroźnivacca tolki kampakt-dyskam z drajvierami kłavijatury.

NN: Dziakujem za intervju.

MD: Dziakuju «Našaj Nivie» i, karystajučysia mahčymaściu, chaču anansavać praciah prajekta. U maich nastupnych płanach — ustalavać veb-kamieru, nakiravanuju na kłavijaturu, i padklučyć onłajn dla prahladu, tamu budu rady hrašovym achviaravańniam. Maje kaardynaty jość u Redakcyi.

* * *

Hety materyjał źjaviŭsia na sajcie NN 1 krasavika. My rady, kali Vy ŭśmichnulisia. :-)

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH