Pra heta 5 krasavika zajaviŭ pradstaŭnik kamandavańnia Paŭnočna-zachodniahaapieratyŭna-taktyčnaha kamandavańnia VPS i vojskaŭ SPA Biełarusi pry naviedvańni žurnalistami adnaho z dyvizijonaŭ 15-j zienitnaj rakietnaj bryhady (štab u Fanipali), što znachodzicca pablizu stalicy.
Upeŭnienaść vajennasłužačych hruntujecca jak na mahčymaściach zienitnych rakietnych kompleksaŭ, jakija znachodziacca na ŭzbrajeńni bryhady, što prykryvaje pavietranuju prastoru nad Minskam, tak i na aptymalnym varyjancie raźmiaščeńnia jaje dyvizijonaŭ.
Ab pierśpiektyvach pieraŭzbrajeńnia bryhady na novyja zienitnyja kompleksy pradstaŭnik Paŭnočna-zachodniaha ATK havaryć admoviŭsia, zajaviŭšy, što heta adnosicca da kampietencyi vyšejšych štaboŭ.
Padčas naviedvańnia adnaho z padraździaleńniaŭ 49-j radyjotechničnaj bryhady ŭ Minskim rajonie žurnalistam było zajaŭlena, što vypadkaŭ parušeńnia pavietranaj prastory Biełarusi zamiežnymi bajavymi samalotami nie było. Pry hetym radyjotechničnyja vojski rehularna adsočvajuć paloty samalotaŭ NATO ŭ Litvie i Łatvii. Jak minimum adzin raz u dzień nad terytoryjaj hetych krain fiksujucca paloty pary F-16.
