7 krasavika Kirhizija adznačaje hadavinu krasavickaj revalucyi. Hod tamu ŭ vyniku kryvavych sutyknieńniaŭ zahinuli 90 čałaviek, kolkaść paranienych skłała kala 300 čałaviek. Ułada pierajšła da apazicyi, a zrynuty prezident Kurmanbiek Bakijeŭ ź siamjoj vyjechaŭ u Biełaruś, dzie znachodzicca i ciapier.
U Tałasie 6 krasavika 2010 demanstranty zachapili abłasnuju administracyju.
Hod tamu ŭ Kirhizii źmianiłasia ŭłada.
Suprać kirhizskaj apazicyi ŭžyli zbroju.
Suprać kirhizskaj apazicyi ŭžyli zbroju.
Apazicyjaniery taksama mieli čym adkazać.
Demanstranty dali adpor siłavikam.
Prezident pierachodnaha pieryjadu Roza Atunbajeva.
Revalucyja ŭ Kirhizii zaniesła Bakijeva ŭ Biełaruś. Pres-kanfierencyja ŭ Minsku, 23 krasavika 2010. Fota Juli Daraškievič.
Siońnia ŭ stalicy Kirhizii Biškieku projduć uračystaści, pryśviečanyja letašnim padziejam. Nahadajem chroniku padziejaŭ u Kirhizii hod tamu, a taksama pra nastupstvy krasavickaj revalucyi.
6 krasavika ŭ horadzie Tałasie manifiestanty zachapili abłasnuju administracyju. Pry hetym jany nie zdoleli ŭtrymać miascovy aeraport, dzie paźniej vysadzilisia śpiecnazaŭcy, jakija vyzvalili zachoplenaha demanstrantami kiraŭnika vobłaści. U nočy prakaciłasia chvala aryštaŭ siarod lidaraŭ apazicyi, ale heta nie spyniła niezadavolenych uładaj. 7 krasavika demanstranty zapałanili stalicu krainy Biškiek i šerah abłasnych haradoŭ poŭnačy Kirhizii, dzie prezident Bakijeŭ karystaŭsia najmienšaj papularnaściu. U stalicy adbylisia kryvavyja sutyčki ź siłavikami. Suprać manifiestantaŭ zadziejničali snajpieraŭ. Što charakterna, apazicyjaniery taksama mieli zbroju i jany jaje ŭžyli suprać milicyjantaŭ i vajskoŭcaŭ. U bajach zahinuli 90 čałaviek, kolkaść paranienych skłała kala 300 čałaviek. Prezident Bakijeŭ vytrymaŭ nie doŭha. Spačatku jon źjechaŭ ź Biškieka ŭ paŭdniovy Oš, a potym i ŭvohule pakinuŭ krainu. Nieŭzabavie razam ź siamjoj jon źjaviŭsia ŭ Biełarusi. Alaksandr Łukašenka ŭziaŭ siamju vysokapastaŭlenaha ŭciekača pad apieku. Užo 23 krasavika jon davaŭ pres-kanfierencyju ŭ Minsku, jakaja prajšła va ŭmovach nadzvyčajnych mieraŭ biaśpieki. Bakijeŭ paskardziŭsia tady na Rasiju, jakoj, pa jaho słovach, vielmi nie spadabałasia, što kiraŭnictva Kirhizii pakinuła na terytoryi krainy amierykanskuju vajskovuju bazu.
U Kirhizii prezidentam na pierachodny pieryjad była abranaja Roza Atumbajeva. Novaja ŭłada biespaśpiachova patrabavała vydačy Kurmanbieka Bakijeva Kirhizii, jakoha abvinavacili ŭ raźviazvańni bojni ŭ Biškieku ŭ krasaviku 2010-ha. Bakijeŭ ź siamjoj zastaŭsia ŭ Biełarusi, dzie pra jaho chadzili samyja roznyja čutki, naprykład, pra toje, što jon uznačalić adzin biełaruskich zavodaŭ. U niadaŭnim intervju ahienctvu «Interfaks-Zachad» jon padziakavaŭ Łukašenku za mahčymaść pasialicca ŭ Biełarusi. Haścinnaść aficyjnaha Minska vyklikała mocnaje razdražnieńnie ŭ Rasii, jakoje častkova vyliłasia ŭ skandalnym dakumientalnym sieryjale «Chrosny baćka». A kali narodnyja revalucyi zapałali ŭ Tunisie, Jehipcie dy Livii, pra Biełaruś zahavaryli, jak pra vierahodnaje miesca pierasialeńnia biehłych dyktataraŭ.
Kirhizija padyšła da hadaviny revalucyi nie vyznačyŭšysia kančatkova, čym byli tyja padziei dla krainy. Pravaabaroncy kažuć pra słabaść novaj ułady i nahadvajuć pra tysiačy achviaraŭ letašnich padziej, jakija dahetul nie dabilisia spraviadlivaści. Jość i tyja z ekśpiertaŭ, što bačać pazityŭ u padziejach krasavika 2010, hałoŭnym vynikam jakich staŭ złom aŭtarytarnaj sistemy ŭ Kirhizii.
