Pra heta jon zajaviŭ na naradzie 13 krasavika, frahmienty jakoj byli pakazany pa kanałach biełaruskaha telebačańnia.
«Lubaja panika nakont charčavańnia, valuty i inšaje pavinna spyniacca, — padkreśliŭ kiraŭnik dziaržavy. — Nie mahu nie źviarnuć uvahu jašče na adzin najvažniejšy momant. Jon źviazany sa sprobaj stvareńnia ŭ hramadstvie paniki praz raspaŭsiudžvańnie čutak ab šmatlikich vybuchach u krainie, ab tym, što za hetym staić ułada i hetak dalej. Užo dahavarylisia da taho, što nie tolki ŭłady učyniajuć hetyja hniusnyja złačynstvy, ale i vajskoŭcy, milicyja, pravaachoŭnyja orhany i navat carkva. Ja ŭčora rasparadziŭsia znajści niahodnikaŭ, zatrymać i dapytvać jak złačyncaŭ».
Pavodle słoŭ Łukašenki, učora jaho prainfarmavali, što takija ludzi zatrymany.
«Ja źviartajusia da hienieralnaha prakurora — nijakaha daravańnia im. Heta jany stvarajuć hetaje asiarodździe i pačynajuć budaražyć sumlennych i prystojnych ludziej. Heta tyčycca i srodkaŭ masavaj infarmacyi. Za raspaŭsiudžvańnie padobnych paklopnickich vydumak vinavatyja paniasuć kryminalnuju adkaznaść», — padkreśliŭ kiraŭnik dziaržavy.