Ź siońniašniaha dnia Biełaruś i Rasija pačynajuć kansultacyi pa pytańniachkredytna-finansavaha supracoŭnictva. Jany buduć pravodzicca z udziełam pradstaŭnikoŭ ministerstvaŭ finansaŭ i nacyjanalnych bankaŭ dźviuch krain.
Jak paviedamlałasia raniej, damoŭlenaść ab praviadzieńni takich kansultacyj była dasiahnuta 11 krasavika padčas
Nahadajem, u kancy sakavika ŭłady Biełarusi pieradali Minfinu Rasii prajekt prahramy mier pa stabilizacyi makraekanamičnaj situacyi. Najaŭnaść prahramy źjaŭlajecca abaviazkovaj umovaj dla vydzialeńnia Rasijaj dziaržkredytu ŭ 1 młrd. dołaraŭ i kredytu na 2 młrd. dołaraŭ z Antykryzisnaha fondu JeŭrAzES.
Namieśnik ministra finansaŭ RF Siarhiej Storčak 11 krasavika ŭ intervju Rejter zajaviŭ, što Ministerstva finansaŭ Rasii «nie farsiruje» vydaču dziaržaŭnaha kredytu Biełarusi. «U miežach Ministerstva finansaŭ Rasii takaja rabota pravodzicca, i pakul my pracujem nad toj infarmacyjaj, jakuju biełaruski bok nam pieradaŭ u častcy svaich acenak makraekanamičnych pierśpiektyŭ», — skazaŭ Storčak.
«Pažadana dziejničać uzhodniena ź inšymi kredytorami abo patencyjalnymi krynicami pakryćcia finansavych patrebnaściaŭ respubliki. Zadača zaklučajecca ŭ tym, kab dastatkova, ale prahmatyčna zabiaśpiečvać finansavuju stabilnaść našaha partniora», — dadaŭ namieśnik ministra.
Rasijski bok nie nazyvaje vierahodnyja terminy, kali zavieršycca praces pa vydzialeńni kredytaŭ.