Žychary Bresckaj vobłaści 12–15 krasavika dobraachvotna zdali ŭ milicyju 19 adzinak niezarehistravanaj zbroi. Jašče dzieviać adzinak zbroi kanfiskavali supracoŭniki pravaachoŭnych orhanaŭ.
U asnoŭnym heta hładkastvolnyja palaŭničyja strelby, paviedamiŭ BiełaPAN staršy inśpiektar upraŭleńnia achovy pravaparadku i prafiłaktyki UUS Siarhiej Cicišyn. Pavodle jaho słoŭ, za try dni nasielnictva pryniesła ŭ milicyju bolš za 220 patronaŭ, jašče 58 patronaŭ było kanfiskavana ŭ žycharoŭ rehijonu.
Mierapryjemstvy pa dobraachvotnaj zdačy nasielnictvam zbroi, bojeprypasaŭ i vybuchovych rečyvaŭ pačalisia ŭ Bresckaj vobłaści 12 krasavika. U ich miežach viadziecca rastłumačalnaja praca z nasielnictvam ab patrabavańniach zakanadaŭstva, jakoje rehłamientuje abarot zbroi, bojeprypasaŭ i vybuchovych rečyvaŭ. Žycharoŭ vobłaści taksama infarmujuć, što asoba, jakaja dobraachvotna zdała takija pradmiety, vyzvalajecca ad kryminalnaj i administracyjnaj adkaznaści.
Z pačatku hetaha hoda žycharami vobłaści było dobraachvotna zdadziena 79 adzinak niaŭličanaja zbroi i bolš za 28 tys. patronaŭ da ahniastrelnaj zbroi.
Za hety ž pieryjad supracoŭniki orhanaŭ unutranych spraŭ kanfiskavali 60 adzinak zbroi i zvyš 1 tys. patronaŭ.
Z pačatku hoda za niezakonny abarot zbroi, bojeprypasaŭ i vybuchovych rečyvaŭ raspačata 15 kryminalnaj spraŭ, da administracyjnaj adkaznaści pryciahnuta bolš za 100 čałaviek.