Jeŭrazijski bank raźvićcia prakredytuje zavod u Asipovičach

Kredytny partfiel Jeŭrazijskaha banka raźvićcia (JEARB) u Biełarusi pastupova razrastajecca novymi prajektami. Uśled za hrašyma na budaŭnictva Połackaj HES JEARB vydzielić srodki na raźvićcio SZAT «Asipovicki vahonabudaŭničy zavod» (AVZ).

Havorka idzie pra adkryćcio kredytnaj linii na sumu 63,5 młn dalaraŭ. Adpaviednaje pahadnieńnie było padpisanaje 19 krasavika i raźličanaje na 8 hadoŭ. Srodki pryznačanyja dla budaŭnictva pradpryjemstva i nabyćcia abstalavańnia.

Ahulny abjom kapitalnych vydatkaŭ na budaŭnictva zavoda pa vypusku hruzavoha čyhunačnaha sastavu i tank-kantejnieraŭ składaje 130 młn dalaraŭ. Astatnija srodki daduć sami ŭdzielniki prajektu — rasijskaja kampanija ZAT «Hrand Ekspres», jakoj naležyć 74% akcyi AVZ, i Biełaruskaja čyhunka.

Uładalnikam «Hrand Ekspres» źjaŭlajecca Michaił Rabinovič — saŭładalnik pieršaj rasijskaj pryvatnaj čyhunačnaj kampanii ZAT «TK Hrand servis ekspres», što z 2005 hoda padtrymlivaje złučeńnie pamiž Maskvoj i Sankt-Pieciarburham. Taksama hetamu biznesoŭcu naležyć zavod pa vypusku luks-vahonaŭ«Cyrkon-servis».

Pavodle biznes-płanu, vychad AVZ na prajektnuju mahutnaść adbudziecca ŭ 2014 hodzie, i štohadovyja abjomy vytvorčaści vyrastuć da 3,5 tys. hruzavych vahonaŭ i da 2 tys. tank-kantejnieraŭ u hod. Čakajecca, što asnoŭnymi rynkami zbytu stanuć Rasija (40% vyrablenaj pradukcyi) i Kazachstan (10%).

0

0

0

0

0

0

ej.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH