U Rasii niama nijakich pryčyn admović Biełarusi ŭ atrymańni kredytu. Ab hetym zajaviŭ siońnia žurnalistam pasoł Rasii ŭ Biełarusi Alaksandr Surykaŭ.
Pavodle słoŭ pasła, ciapier baki abmiarkoŭvajuć techničnyja pytańni pradastaŭleńnia Biełarusi kredytu z Antykryzisnaha fondu JeŭrAzES.
«Adzinaja ŭmova Rasii — pazyki, jakija ažyćciaŭlajucca, pavinny pasłužyć na karyść raźvićcia (Biełarusi. — Zaŭvaha BIEŁTA) i na źnižeńnie deficytu płaciežnaha bałansu», — skazaŭ Alaksandr Surykaŭ.
Jak prainfarmavaŭ pasoł, ciapier «idzie narmalny praces abmierkavańnia temy vydačy kredytu». «Liču, što jano (pytańnie ab vydačy kredytu Biełarusi. — Zaŭvaha BIEŁTA) vyrašycca ŭ chutkim časie», — dapuściŭ jon.
Pavodle słoŭ dypłamata, Rasija nie vyłučaje patrabavańni pa ŭnifikacyi kursu dołara ŭ Biełarusi ŭ jakaści ŭmovy pa vydačy kredytu. Tym nie mienš Alaksandr Surykaŭ ličyć, što roźnica kursaŭ dołara na valutnym rynku ŭ Biełarusi choć i nie pieraškadžaje, ale i nie sadziejničaje bolš chutkamu vyrašeńniu pytańnia ab vydačy kredytu.
