Paśla sychodu z pasady prezident Rasii Dźmitryj Miadźviedzieŭ maje namier zaniacca vykładčyckaj dziejnaściu, choć nie vyrašyŭ jašče dla siabie dakładna, ale z sychodam z najvyšejšaj pasady «žyćcio nie skančajecca».
Mahčyma jaho dziejnaść budzie źviazana z prasoŭvańniem novych technałohij i navat sa ŚMI, pra heta Miadźviedzieŭ raspavioŭ u efiry na telekanale «Dožd́».
«Ja nie viedaju, što budu rabić, aleŭpeŭny, što pracu znajdu.
Mnie b chaciełasia, kab majo žyćcio było aktyŭnym, - skazaŭ prezident Rasii. Jon rastłumačyŭ, što jamu vielmi padabajucca novyja technałohii i ich raźvićcio.
Miadźviedzieŭ paśla prezidenckaha terminu spadziajecca vykładać u Skołkava i inšych navučalnych ustanovach, kab pieradać svoj vopyt.
Taksama jon miarkuje, što jaho praca budzie źviazanaja z prasoŭvańniem novych technałohij. «Naprykład, u jakaści biźnies anioła-achoŭnika», - skazaŭ Miadźviedzieŭ.
Taksama jon nie vyklučyŭ, što jaho novaja praca, paśla sychodu z pasady prezidenta moža być źviazanaja sa ŚMI, pavodle Miadźviedzieva «heta cikava».