Nacyjanalny bank paviedamiŭ, što «ciapier niama nieabchodnaści ŭviadzieńnia dadatkovaj siesii na tarhach AAT «Biełaruskajavalutna-fondavaja birža».
Imavierna, Nacbank nie rašyŭsia na praviadzieńnie aficyjnych alternatyŭnych tarhoŭ, pakul nie maje valuty dla interviencyj na vypadak, kali popyt budzie rezka pieravyšać prapanovu. «Adkryćcio alternatyŭnych u adnosinach da asnoŭnaj siesii tarhoŭ patrabuje vykanańnia značnaj padrychtoŭčaj pracy techničnaha charaktaru, a taksama stvareńnia ŭsich umoŭ, nieabchodnych dla ŭstojlivaha i efiektyŭnaha funkcyjanavańnia dadatkovaj siesii», — havorycca ŭ paviedamleńni Nacbanka.
A valuty niama, bo ŭładam pakul nie ŭdałosia pazyčyć srodki ani ŭ Rasii, ani ŭ inšych kredytoraŭ. Pieramovy z Rasijaj ab vydzialeńni kredytu praciahvajucca, pryčym rasijskija finansisty patrabujuć ad Biełarusi devalvacyi rubla.
«Udaskanaleńnie funkcyjanavańnia ŭnutranaha valutnaha rynku budzie praciahvacca i dalej pa miery stvareńnia z boku ekanomiki nieabchodnych umoŭ dla padtrymańnia abmiennaha kursu biełaruskaha rubla pablizu jaho raŭnavažkaha ŭzroŭniu», — zajaviŭ Nacbank.
Na minułym tydni i namieśnik staršyni Nacbanka Łuzhin, i vice-premjer Rumas zajaŭlali pra toje, što alternatyŭnyja tarhi raspačnucca na hetym tydni.
Adnak, jak bačym, ustanaŭleńnie aficyjnaha alternatyŭnaha kursa rubla adkładajecca.
U kaho jaki kurs dalara?
Nacyjanalny bank — 3048
Banki, abmieńniki — 3109
Aŭtarynki — 3800–5000
Kurs u bankach dla apłaty valutnych kredytaŭ rublami — 4000
«Biełpošta» — faktyčna 4 115
Turfirmy (
Realny kurs pry apieracyjach pamiž pradpryjemstvami — 4000–5300