Staršynia naziralnaha savieta chakiejnaha kłuba «Dynama» (Minsk) Juryj Barodzič zaćvierdziŭ płan pieradsiezonnaj padrychtoŭki kamandy, paviedamiła 28 krasavikapres-słužba kłuba.
U adpaviednaści z rehłamientam KCHŁ hulcy pavinny vyjści z adpačynku 20 lipienia. Čakajecca, što 21 lipienia budzie praviedziena adkrytaja treniroŭka dla balelščykaŭ i ŚMI.
Z 21 pa 31 lipienia projdzie pieršy zbor kamandy ŭ Minsku.
U chodzie zboru płanujecca arhanizavać prahlad šerahu chakieistaŭ z adkrytaha čempijanatu Biełarusi. Z 1 pa 14 žniŭnia projdzie zbor u Šviejcaryi, «aryjentavany na zakładvańnie funkcyjanalnaj bazy hulcoŭ va ŭmovach siaredniahorja (1.200 m nad uzroŭniem mora), što zabiaśpiečvaje pavyšeńnie tryvałaści i bolš chutkuju adaptacyju da składanych nahruzak».
Z 11 pa 14 žniŭnia dynamaŭcy voźmuć udzieł u turniry z udziełam viadučych šviejcarskich i češskich kamand. Zapłanavany try hulni ŭ ramkach turniru i adzin kantrolny matč z udzielnikam turniru. Raskład čakajecca paźniej.
Paśla zakančeńnia zboru kamanda vylecić u Minsk i z 15 pa 22 žniŭnia praviadzie jašče adzin zbor doma.
23–28 žniŭnia dynamaŭcy voźmuć udzieł u tradycyjnym pieradsiezonnym turniry Łatvijskich čyhunak u Ryzie z udziełam haspadaroŭ, «Atłanta», «Łakamatyva», «Naftachimika» i, mahčyma, kamandy ź Finlandyi. Zapłanavany try hulni, raskład taksama čakajecca paźniej.
Z 29 pa 31 žniŭnia «Dynama» praviadzie karotkaterminovy zbor u Minsku, a z 1 pa 3 vieraśnia voźmie ŭdzieł u turniry imia Bialajeva ŭ Čarapaŭcy. Zapłanavany try hulni z kamandami Zachodniaj kanfierencyi KCHŁ.
4 vieraśnia dynamaŭcy viartajucca ŭ Minsku i pačynajuć padrychtoŭku da pieršaha matča siezona.
