18.40
Abvieščany pierapynak da 10 maja. Pasiedžańnie adnovicca a 10-j. Advakaty zajavili chadajnictva pra dadatkovy dopyt Iryny Chalip (žonki Andreja Sańnikava) i Źmitra Bandarenki (davieranaja asoba kandydata ŭ prezidenty). Pytańnie pra mahčymaść zadavalnieńnia chadajnictva budzie razhledžana 10 maja.
17:20
Pakazańni daje Vadzim Kabančuk, siabar Chryścijanskaj Demakratyi.
16:37
DAIšniki iduć adzin za adnym. Pakazańni ničym nie adroźnivajucca ad tych, što jany davali na sudzie nad Bandarenkam. Skazali, što pahony hienierała Karziuku abiacaŭ Us. Kažuć, što demanstranty praryvali łancuh z supracoŭnikaŭ DAI.
15:47
Dvuch kiroŭcaŭ dapytali chutka. Ciapier dapytvajuć jašče adnaho DAIšnika Daniankova.
15:31
Pačynajuć dapytvać kiroŭcaŭ aŭtobusaŭ. Tyja samyja byli i na sudzie nad Źmitrom Bandarenkam.
15:03
Čarnabaj kaža, što na adlehłaści piaci–siami mietraŭ ad jaho znachodzilisia kandydaty ŭ prezidenty Sańnikaŭ, Statkievič, Us. Jany prasili prapuścić ludziej. Niechta z kandydataŭ abiacaŭ Karziuku pahony hienierała, u vypadku, kali prapuścić natoŭp.
14:59
Nastupny śviedka — Čarnabaj. Hałoŭny miechanik «Bielinviestsiervisa». Kaža, što vizualna paznaŭ Sańnikava.
Na čas 19 śniežnia jon pracavaŭ u DAI. Hety samy čałaviek śviedčyŭ na pracesie nad Bandarenkam. Pracavaŭ pad načałam Dźmitryja Karziuka.
Raskazvaje, što natoŭp išoŭ pa prajeznaj častcy praśpiekta Niezaležnaści. Čarnabaj razam z kalehami znachodziŭsia na skryžavańni z vulicaj Enhielsa.
14:52
Volha Kalinoŭskaja kaža, što ŭ kvatery byli vizitki Vitala Rymašeŭskaha. A jašče byŭ niejki «značok». Kvateradaŭca kaža, što daviedałasia pra aryšt chłopca ź interneta.
Mirzajanaŭ: «A navošta vy vyklikali hetaha śviedku?»
14:48
Pačali vyklikać śviedkaŭ. Pieršaja — Volha Kalinoŭskaja. Dyrektarka pradpryjemstva.
Kaža, što viedaje Uładzimira Jaromienka, bo jon zdymaŭ kvateru ŭ Kalinoŭskaj. Jaromienak zaklučyŭ pahadnieńnie ab zdymie na paŭhoda. Heta było 17 śniežnia 2010 hoda.
14:42
Ksiandzoŭ ekśpiertyzu nie prachodziŭ. «Ja Minsk nie znaju, nie pomniu, kudy jeździŭ u balnicu».
Ksiandzoŭ ciapier znachodzicca na niejkich spabornictvach i prosić pakinuć zału suda.
14:38
Nastupny paciarpieły — Ksiandzoŭ, milicyjanier. Byŭ u reziervie na Kastryčnickaj, potym pieradysłakavany na płošču Niezaležnaści, bo «tam hruba parušaŭsia hramadski paradak».
U Ksiandzova nibyta sarvali šlem, dy bili ŭ plačo. Potym kalehi jaho adbili ad natoŭpu demanstrantaŭ. Čym bili, Ksiandzoŭ nie pamiataje.
14:30
«Niešta było ŭspychnuła vielmi chutka, ale što heta było, ja nie viedaju», — kaža Masalski.
«Nie mahu skazać, ci mitynhoŭcy dziejničali arhanizavana, ci adnaasobna». Masalski kaža, što aktyŭnych udzielnikaŭ Płoščy było navat bolš, čym supracoŭnikaŭ śpiecnaza.
14:19
Paciarpieły — Siarhiej Masalski, milicyjanier. Znachodziŭsia na Kastryčnickaj, a potym byŭ pierakinuty (prykładna a 22-j) na płošču Niezaležnaści.
«Bili pa ščytach nahami, vudačkami. Ja byŭ vyciahnuty z šerahu hrupaj ludziej. Nanieśli ŭdar niečym ciažkim pa hałavie. Potym našy pacany adciahnuli nazad u šerah».
14:10
Praces adnoŭleny. Źjavilisia jašče dvoje paciarpiełych (adzin ź ich u formie śpiecnaza), a taksama troje śviedkaŭ.
12:59
Abvieščany pierapynak da 14:10.
12:50
Majsiejeŭ čuŭ słovy demanstrantaŭ, jakija kazali, što bić treba: «U pravy vierchi vuhał. Ja dumaju, što byŭ čałaviek, jaki addavaŭ kamandy».
Sudździa Čaćviartkova vydaliła z zali suda dziadźku i maci Fiodara Mirzajanava. Jany nazvali ŭsie dziejańni śpiecnazaŭcaŭ «farsam i śpiektaklem».
«Vy hańbicie honar mundzira», — skazaŭ Siarhiej Aniśka, dziadźka Mirzajanava. Jon padpałkoŭnik kontrraźviedki ŭ zapasie, udzielnik vajny ŭ Afhanistanie.
12:42
«Demanstranty chacieli nanieści ŭdary. Mahčyma, u tvar. U mianie trapiŭ kavałak lodu. Boh ściaroh, biez nastupstvaŭ. Mnie zdajecca, što heta nie śmiešna. Vałun kidali», — raskazvaje pra «žachi» Płoščy Majsiejeŭ.
«Mnie było prablematyčna nastupić na nahu. Ale ŭsio abyšłosia. Paśla ahladu hiematomy było rekamiendavana zrabić zdymak».
12:39
«Mnie nanieśli ŭdar. Mahu z peŭnaści skazać, što heta była armatura. Udaryli trochu vyšej kalena. Ja miarkuju pa sile ŭdary, pa razryvach ambundziravańnia, pa cialesnych paškodžańniach. Ja dumaju, ci jana była zatočanaja, ci abrezanaja pa vuhłach», — havoryć Maisiejeŭ.
«Udar byŭ naniesienyja z boku natoŭpu. Kim, kankretna ŭstalavać nie daviałosia. Niekim z natoŭpa».
«10–15 čałaviek bralisia za ruki. Jany byli padrychtavanymi, jany viedali našy słabyja miescy. Niama ničoha idealnaha. Jany ŭzhodniena dziejničali», — kaža Majsiejeŭ.
12:33
Majsiejeŭ prybyŭ na słužbu ŭ 16–17 hadzin. Atrymaŭ instruktaž, a paśla znachodziŭsia za Pałacam Respubliki, u reziervie. Kaža, što tam znachodziŭsia da 23 hadzin. Uvieś čas jany byli ŭ słužbovym transparcie.
«My raźmiaścilisia za pomnikam na płoščy Niezaležnaści. Našaj zadačaj było nie dapuścić ludziej da Doma ŭrada», — kaža Majsiejeŭ.
12:27
Bułavacki bačyŭ vobłaka biełaha parašku kala Pilipiejki. Zbroi nie bačyŭ. «Paciarpieły» dapytany. Nastupny śviedka — Ihar Majsiejeŭ, milicyjanier.
12:14
U Bułavackaha ściahnuli z hałavy kasku. Bolej jon jaje padniać nie zmoh. Paśla hetaha nibyta jaho pačali źbivać.
«Skarachoda ŭciahnuli ŭ natoŭp, a Pilipiejku zavalili», — kaža Bułavacki.
12:08
«Na nas palacieŭ lod i butelki. Na maich vačach vyciahnuli supracoŭnika z šerahu. Pastavili padnožku jamu, bili jaho. My adciaśnili demanstrantaŭ».
Bułavacki bačyŭ raźbityja dźviery, vokny. «Ludzi vykazvali niehatyŭnaje mierkavańnie. Padychodzili, kab tut udaryć, tam. Pa nahach sprabavali pabić. Paśla razhonu lažali pradmiety padobnyja na pałki».
11:59
Nastupny paciarpieły — Bułavacki. Milicyjanier.
19 śniežnia jon zastupiŭ na słužbu prykładna a 14:00. Znachodziŭsia ŭ śpiectransparcie za Pałacam Respubliki. U mašynie jany siadzieli da 21–22-j hadziny.
Potym vyjechali ŭ bok płoščy Niezaležnaści. «Była kamanda, što natoŭp sprabuje trapić u Dom urada, łomiačy dźviery, bjučy škło. Nam treba było abaranić budynak», — kaža Bułavacki.
11:54
«Dazvolcie pakinuć zał suda, — havoryć Kaštałanaŭ. — Mnie jašče ŭ Maskoŭski jechać».
11:31
«Uvachod u Dom prafsajuzaŭ ja nie pavinien byŭ ni z kim uzhadniać. Tam dźviery byli adčynienyja, tamu my ŭvajšli», — havoryć Kaštałanaŭ.
Sańnikaŭ aktyŭna zadaje pytańni. Kaštałanaŭ nie adkazvaje na pytańnie, chto davaŭ jamu kamandu abaraniać Dom urada.
Jaromienak łović milicyjanta na błytaninie. Jon zhadvaje ŭčorašni dopyt achoŭnika Doma prafsajuzaŭ, jaki kazaŭ, što milicyi ŭnutry nie było.
«Paciarpiełyja» ŭ zale pavodziać siabie vielmi ahresiŭna. Mamie Sańnikava jany skazali: «Heta vam treba bajacca, a nie nam».
11:25
«Ludzi aburalisia na Płoščy», — kaža Kaštałanaŭ.
«A što jany kryčali?» — pytajecca Sańnikaŭ.
«Žyvie Biełaruś»
«Dyk heta što voklič abureńnia?» — ździŭlena pytajecca kandydat u prezidenty.
«Nie», — byŭ vymušany zhadzicca śpiecnazaviec.
11:21
«Kali hramadzianie pabačyli, što nas niamnoha, to pasprabavali prarvać naš łancuh. Byŭ ahnietušyciel. Kidali niejkija butelki z vadkaściu. Pry siłavoj sprobie praryva vykarystoŭvali vudački, čaranki. Sprabavali imi nanieści traŭmy», — raskazvaje Kaštałanaŭ.
«Ja viedaju, što potym valalisia rydloŭki, ledasieki. Dubinki my pačali prymianiać, kali pačalisia sproby praryvu».
11:10
«My rušyli da vakzała. Dajechali da ŭniviersiteta. My pabačyli, što na hanku Doma ŭrada było čałaviek 100. Usia płošča Niezaležnaści była zaniataja ludźmi. My vystrailisia ŭ bajavym paradku, kab nie dapuścić dalejšych pravakacyj. U momant vychadu nam supraćstajali demanstranty».
Kaštałanaŭ kaža, što adčuŭ udar u ściahno, ale nie nadaŭ hetamu ŭvahi, bo vykonvaŭ zadańnie.
«Škło było raźbitaje, dźviery, źleva, sprava. Usio było raźbita. Kali my vyjšli, to hramadzianie praciahvali bić, bo nie adčuli, što my pobač».
11:04
Kaštałanaŭ ad 18 da 20-j byŭ u reziervie la Administracyi prezidenta. Tym nie mienš, jon pieryjadyčna vychodziŭ na placoŭku kala Doma aficeraŭ, kab nazirać za padziejami na Kastryčnickaj.
«Płošča była całkam zaniataja, a ludziej ja nie ličyŭ», — kaža śpiecnazaviec.
«Ja tak razumieju, što hramadzianie źbiralisia zachapić Dom prafsajuzaŭ, tamu nas pieramiaścili ŭnutr budynka. Ja byŭ unutry, tamu nie słuchaŭ pramovy, a raspracoŭvaŭ taktyku abarony».
11:00
Jepifanaŭ dapytany. Nastupny paciarpieły namieśnik kamandzira pałka milicyi śpiecyjalnaha pryznačeńnia — Kaštałanaŭ.
10:53
Jepifanaŭ błytajecca ŭ svaich pakazańniach. Spačatku kaža, što jaho ŭdaryła niešta ciažkoje i mietaličnaje. Tym nie mienš, bolu jon nie adčuŭ. Advakat Kavaleŭskaja pytajecca, jak jon moža viedać, što heta byŭ mietaličny ŭdar, kali jon jaho nie pabačyŭ i bolu nie adčuŭ.
«Bačyŭ
10:49
U Jepifanava pytajucca, ci moh traŭmu jamu nanieści niechta z kaleh. «Vylecieła niešta z natoŭpu i ŭdaryła mianie. Kankretna hetuju traŭmu jany nanieści nie mahli. Ja bolu zusim nie adčuvaŭ. Maja zadača była vykanać prykazać, a ŭžo potym na heta źviartać uvahu», — havoryć Jepifanaŭ.
10:41
Sudździa začytvaje pakazańni Jepifanava, što jon davaŭ padčas papiaredniaha śledstva, bo ŭ ich jość istotnyja supiarečańni.
Pavodle pakazańniaŭ Jepifanava, jon ažno siem hadzinaŭ znachodziŭsia ŭ mašynie 19 śniežnia.
Pad pratakołam dopyta nie było podpisu Jepifanava, ale jon kaža, što heta jahonyja pakazańni.
10:31
«Bačyŭ na Płoščy mietaličnyja pradmiety, ale niamnoha. Moža,
10:23
«Vy kažacie, što nikoha nie čapali. Ci moža vam pakazać videa?» — pytajecca Hniedčyk.
«Kali my stajali śpinaj da Doma ŭrada, to ničoha nie było, a paśla, mahčyma, niešta i było, ale ja nie bačyŭ».
Jepifanaŭ kaža, što hałasavaŭ zahadzia, nie ŭ asnoŭny dzień vybaraŭ. Na pytańnie Sańnikava, ci aryjentavali Jepifanava zahadzia pra padziei na Płoščy, paciarpieły kaža, što nie pamiataje.
10:19
«Našaj zadačaj było — siadzieć u reziervie. Prykładna, a 22 była kamanda vydźvinucca da Doma ŭrada. My stali śpinaj da Doma ŭrada ŭ łancuh. Za majoj śpinie byli niejkija ludzi, ale ja nie čuŭ, što jany robiać. Nie skažu, što sproby praryva byli. Padychodzili da ščytoŭ, sprabavali kratać. Praz 15–20 pastupiła kamanda nazad adyści, ja nie pomniu nazvy vulicy. Užyvańnie niejkich pradmietaŭ ja nie bačyŭ», — havoryć Jepifanaŭ.
«U druhim vychadu nam treba było ŭbiehčy ŭ natoŭp i raśsiekčy jaho na dźvie častki. Tady ja i atrymaŭ niečym ciažki, chutčej za ŭsio mietaličnym, pa nazie».
10:12
Sańnikaŭ i Mirzajanaŭ nastojvajuć na tym, što spačatku pavinny być prahledžany videamateryjały spravy, a ŭžo potym dapytajuć paciarpiełych.
«Sudździa, vy ž učora kazali, što technika ŭ nas nie na doŭhi čas», — havoryć A.Sańnikaŭ.
Sudździa Čaćviartkova pryniała rašeńnie dapytvać paciarpiełych i śviedkaŭ.
Pieršy «paciarpieły» — Anatol Jepifanaŭ. Milicyjanier.
10:07
Praces adnaviŭsia. U zału suda pryjšło jašče čaćviora «paciarpiełych», a taksama troje śviedkaŭ z boku abarony.
* * *
U piatnicu 6 maja praciahniecca sudovaje pasiedžańnie nad kandydatam u prezidenty Andrejem Sańnikavym, a taksama šarahovymi ŭdzielnikami Płoščy Illom Vasilevičam, Aleham Hniedčykam, Fiodaram Mirzajanavym i Uładzimiram Jaromienkam.
Siońnia sud musić praciahnuć vyvučeńnie videamateryjałaŭ spravy.
U zali znachodziacca nieviadomyja maładyja ludzi. Heta ŭžo stała sumnaj tradycyjaj.
