Prezydent Eŭrapiejskaha parlamentu Ježy Buzek, razam ź inšymi viadučymi deputatami Eŭraparlamentu, źviarnuŭsia da staršyni Mižnarodnaj federacyi chakieju z zaklikam prypynić praviadzieńnie Čempijanatu śvietu pa chakiei ŭ Miensku 2014 hodu pakul u Biełarusi nia buduć vyzvalenyja ŭsie palityčnyja źniavolenyja.
U svaim liście Ježy Buzek piša:
«Pavodziny biełaruskich uładaŭ vyrazna dyskvalifikujuć, pazbaŭlajučy pryvilejaŭ pravodzić asnoŭnych spartovyja mierapryjemstvy, takija jak Čempijanat śvietu 2014 hodu pa chakiei.
My nastojliva zaklikajem Mižnarodnuju federacyju chakieju pryniać adpaviednyja miery dla zabieśpiačeńnia taho, kab Łukašenka nie atrymaŭ mižnarodnaha prestyžu abo lehitymnaści, jakija daje arhanizacyja čempijanatu śvietu pa chakiei 2014 hodu, pakul jon nia vyzvalić usich palityčnych źniavolenych. Na praciahu amal dvuch dziesiacihodździaŭ Biełaruśsiu kiruje žorstki i niedemakratyčny režym Łukašenki. Eŭraźviaz i ZŠA rezka asudzili jahonyja dziejańni. Jahony režym aryštavaŭ sotni mirnych demanstrantaŭ, u tym liku kandydataŭ u prezydenty, lideraŭ apazycyi, žurnalistaŭ, pradstaŭnikoŭ hramadzianskaj supolnaści, a taksama prostych biełarusaŭ.
Čempijanat pa chakiei 2014 hodu nia moža być praviedzieny ŭ Biełarusi ŭ hetych žudasnych umovach».
U krasaviku z padobnym ža zaklikam da Mižnarodnaj federacyi chakieju z šajbaj źviarnuŭsia amerykanski
List Derbina taksama padpisaŭ Peter Šciastny, słavacki chakieist, uviekaviečany ŭ Zali Słavy Nacyjanalnaj Chakiejnaj Lihi, jaki ciapier źjaŭlajecca deputatam Eŭrapiejskaha parlamentu.
