19:41
Abvinavačanyja vystupili z apošnim słovam. Prysud budzie vyniesieny ŭ paniadziełak, 16 maja, a 10:00.
17.57
Prakuror prosić pakarać:
Paŭła Sieviarynca — 3 hadami abmiežavańnia voli z nakiravańniem u miescy adbyvańnia pakarańnia;
Irynu Chalip — 2 hadami pazbaŭleńnia voli z adterminoŭkaj na dva hady;
Siarhieja Marcaleva — 2 hadami pazbaŭleńnia voli z adterminoŭkaj na 2 hady.
17.22
U zał zajšła sudździa, jakaja abvieściła pra pačatak sprečak. Prakuror začytvaje abvinavačańnie Paŭłu Sieviaryncu ŭ arhanizacyi i ŭdziele ŭ masavych biesparadkach: Sieviaryniec vyjaviŭ niepadparadkavańnie orhanam ułady, što paciahnuła za saboj škodu dziaržaŭnym arhanizacyjam, punktu abmienu valuty, metrapalitenu, pałacu prafsajuzaŭ, byŭ sarvany ruch hramadzkaha transpartu. Jahonyja dziejańni padlahajuć pakarańniu pavodle artykuła 342 Kryminalnaha kodeksu.
Abvinavačańnie Irynie Chalip: zaklikała hramadzian pryjści na Kastryčnickuju płošču dla ŭdziełu ŭ niesankcyjanavanaj akcyi, pieraškadžała pracy pravaachoŭnych orhanaŭ. Pavodle jaje zaklikaŭ hramadzianie vyjšli na prajeznuju častku.
Marcelevu — analahičnaje abvinavačvańnie.
Prakuror padkreśliŭ, što ich vina dakazanaja materyjałami spravy, u tym liku pakazańniami supracoŭnikaŭ milicyi, videa- i aŭdyjomateryjałami.
Prakuror padkreśliŭ, što ich vina dakazanaja materyjałami spravy, u tym liku pakazańniami supracoŭnikaŭ milicyi, videa- i aŭdyjomateryjałami.
Usie troje padsudnych viedali pra niezakonnaść akcyi i śviadoma brali ŭ joj udzieł, niezakonnaść akcyi taksama tłumačyli supracoŭniki DAI.
Vychad na prajeznuju častku źjaŭlajecca nie administracyjnym pravaparušeńniem, a kryminalnym złačynstvam. Byŭ źmienieny režym hramadzkaha transpartu, pasažyry nie byli dastaŭlenyja da miesca, ustanovy panieśli straty.
Vina abvinavačanych dakazanaja. Dokazy — telefonnyja razmovy, źmiest skanfiskavanych dyskaŭ, fakt taho, što abvinavačanyja nie źviartalisia ŭ Mienharvykankam pa dazvoł na akcyju pratestu, jakuju nielha usprymać jak mirnuju. Prakuror spasyłajecca taksama na śviedak, jakija siońnia ŭ sud nie pryjšli.
Prakuror zajaviŭ, što dziejańni Sieviarynca padpadajuć pad dziejańnije častki 1 artykułu 342 KK.
16.42 Sudździa abvieściła pra pačatak sprečak.
Advakatka Chalip zajaviła, što 30 chvilinaŭ na padrychtoŭku nia chopić. Adnak sudździa abviaściła pierapynak tolki na 30 chvilinaŭ. Ludzi ŭ zali na heta vyhukvali «Hańba».
Pavieł Sieviaryniec i Siarhiej Marcaleŭ
Pavieł Sieviaryniec.
Iryna Chalip
Iryna Chalip
16.38
Advakaty prosiać dać mahčymaść da ranku pradstavić dakumenty, jakija majuć adnosiny da abarony abvinavačanaj. Hetaje chadajnictva vymahaje sud abvieścić pierapynak. Usie z abvinavačanych i advakataŭ zhodnyja. Prakuror pratestuje, bo ličyć, što heta zaciahvańnie pracesu Sudździaja padtrymała prakurora i adchiliła chadajnictva.
16.30
Advakatka Chalip prosić vyklikać u jakaści śviedkaŭ pradstaŭnikoŭ metrapalitenu, Makdonalsa i inšych dziaržaŭnych i kamercyjnych arhanizacyj, jakija nibyta panieśli straty. Prakuror prosić adchilić chadajnictva, kab nie zaciahvać praces. Sudźdźja padtrymlivaje prakurora,
paviedamlaje Radyjo Svaboda.
***
U pieršaj pałovie dnia ŭ sudzie byli dapytany śviedki z boku abvinavačańnia i abarony.
U pryvatnaści, byli dapytany niekalki vadzicielaŭ aŭtobusaŭ, jakija 19 śniežnia pracavali na roznych maršrutach u rajonie płoščy Niezaležnaści i praśpiekta Niezaležnaści. Jany pakazali, što
U jakaści śviedak taksama byli dapytany niekalki znajomych abvinavačanych — Vadzim Kabančuk, Alina Livienka, Cimafiej Drančuk. Usie jany padkreślili, što akcyja 19 śniežnia płanavałasia vyklučna jak mirnaja i niehvałtoŭnaja.
Pra mirny charaktar akcyi skazali i inšyja śviedki.
Niekalki śviedak z boku abarony sudom dapytany nie byli ŭ suviazi z tym, što jany znachodzilisia ŭ zale na papiarednich pasiadžeńniach.
Iryna Chalip i jaje advakat Hanna Bachcina nastojvali na vykliku ŭ sud načalnika ŭpraŭleńnia DAI Minharvykankama Dźmitryja Karziuka. Adnak sudździa rastłumačyła, što Karziuk nie źjaviŭsia na pasiadžeńnie ŭ suviazi z tym, što znachodzicca na lačeńni. Pryčyna jaho niajaŭki pryznana ŭvažlivaj, i sud pastanaviŭ abviaścić pakazańni, jakija Karziuk davaŭ na papiarednim śledstvie.
Takoje rašeńnie sud pryniaŭ, niahledziačy na kateharyčnyja pratesty z boku Bachcinoj i Chalip. «Abarona žadaje nie tolki ŭdakładnić niekatoryja jaho pakazańni, ale taksama zadać pytańni, jakija čamuści nie byli zadadzieny jamu padčas dopytu papiaredniaha śledstva. Chaču taksama padkreślić, što Karziuk ni na adno z sudovych pasiadžeńniaŭ, jakija pravodzilisia pa spravach 19 śniežnia, nie źjaviŭsia», — padkreśliła advakat Bachcina.
Paśla abviaščeńnia prakuroram pakazańniaŭ Karziuka, u jakich śćviardžałasia, u pryvatnaści, što Iryna Chalip, Andrej Sańnikaŭ i inšyja
Čakajecca, što paśla pierapynku sud praciahnie vyvučeńnie materyjałaŭ spravy, a taksama šerahu dakumientaŭ, jakija byli zapatrabavany pavodle prośby abarony.
