Sudździa Taćciana Borys aštrafavała Valancina Susłu ź Vilejki na 30 bazavych vieličyń.
Valancin Susła.
Jak paviedamlajecca na sajcie vialejka.org, małady čałaviek admoviŭsia prachodzić daktyłaskapiju dobraachvotna.
14 krasavika Valancin Susła atrymaŭ pa miescy pracy pozvu, u jakoj zamiest ukazańnia statusu, u jakim jaho vyklikajuć u milicyju, napisali «dla zdačy adbitkaŭ palcaŭ». A da pryznačanaha času zastavalisia dźvie hadziny. Valancin stelefanavaŭsia sa svaim učastkovym Juryjem Durejkam. Damovilisia na nastupnym dzień. Ale kali małady čałaviek pryjechaŭ da ŭčastkovaha, toj paviedamiŭ, što «pratakoł ab pravaparušeńni ŭžo nakiravany ŭ sud».
U sudzie sp. Susłu abvinavacili pa artykule 23.4 KaAP — za niepadparadkavańnie zakonnamu patrabavańniu aficyjnaj asoby.I prysudzili jaho da štrafa ŭ pamiery 30 bazavych vieličyń (1 młn. 50 tysiač rubloŭ).
Małady čałaviek budzie abskardžvać rašeńnie suda.
Heta ŭžo nie pieršy vypadak, kali karajuć za admovu prachodzić daktyłaskapiju. Raniej u Homieli aštrafavali Vasila Palakova. Chacia ministr unutranych spraŭ Biełarusi Anatol Kulašoŭ zajaviŭ, što štrafy za admovu zdavać adbitki palcaŭ nie praduhledžany.
