Dvoje hramadzian Biełarusi byli zatrymanyja na Rovienščynie (Ukraina). Jany paśpieli abrabavać kramu ŭ pamiežnaj vioscy Sałamir Zaryčanskaha rajona, pahražajučy pradavačcy nožam.
Padčas zatrymańnia padazravanyja sprabavali schavacca, adnak ich spynili pamiežniki ŭžo pablizu miažy, padčas sproby znoŭ jaje parušyć. Parušalniki spynilisia tolki paśla papieradžalnaha strełu ŭvierch.
U uciekačoŭ byli znojdzienyja try pakiety z praduktami charčavańnia, harełkaj, parfumaj i bižuteryjaj.
Ciapier zatrymanyja žychary Pinska pryciahnutyja da administracyjnaj adkaznaści pa art. 204.1 «Niezakonnaje pierasiačeńnie dziaržaŭnaj miažy Ukrainy», art. 185.10 «Złosnaje niepadparadkavańnie zakonnamu rasparadžeńniu vajennasłužačaha DPSU» KUAP i pieradadzienyja supracoŭnikam MUS dla pryniaćcia rašeńnia ab pryciahnieńni ich da kryminalnaj adkaznaści.
0
0
0
0
0
0
