Žonka Dźmitryja Usa Jaŭhienija nikoli nie ŭchvalała zaniatki muža palitykaj, choć i sama dapamahała jamu, ale pradčuvańni mieła niadobryja.
Fota Siarhieja Hudzilina.
Ci vy spadziavalisia na spraviadlivy prysud? Ci čakali, što, moža, vyzvalać u zali sudu?
Viedajecie, nadzieja była, ale asablivych iluzijaŭ my nia mieli. To bok, Dźmitry Ivanavič išoŭ na sud i viedaŭ, što jaho pasadziać. My išli na sud užo z sumkami i rečami, my byli da hetaha hatovyja, ale, ščyra kažučy, da takoha terminu — nie.
Ci padtrymlivali vy muža, kali jon vyłučaŭsia kandydatam na prezydenta?
Mnie nie padabałasia ŭsia hetaja zaduma, ale Dzima mnie muž, i ja zaŭsiody padtrymaju jaho ŭ luboj sytuacyi. Tamu ja jamu sama dapamahała, dapamahała źbirać podpisy. Heta było jaho žadańnie, i ja jamu dapamahała, choć, ščyra kažučy, pradčuvańni ŭ mianie na hety kont byli niadobryja.
Što vy paśpieli jamu skazać pierad tym, jak jaho ŭziali pad vartu ŭ sudzie? Što jon vam paśpieŭ skazać?
Jamu nadzieli naručniki i paviali, a ja vyjšła. Ja nie chacieła bačyć jaho za kratami, kali jaho zaviaduć u kletku da astatnich. Nazaŭtra sudździa padpisała mnie dazvoł na spatkańnie ź im, tak što ja chaču schadzić. Moža być, jašče niešta treba jamu pieradać, padtrymać niejak.
U vas małoje dzicia, chto vam dapamahaje ciapier?
Padtrymać nas, u pryncypie, niama kamu. Ja ciapier pracuju, biznes muža na mnie.Baćki, viadoma, dapamahajuć, jany ź dziećmi siadziać — i heta vielmi istotna, bo ja ciapier nie mahu razarvacca i na pracu, i na dziaciej. I Dźmitry Ivanavič, pakul išło śledztva, byŭ uvieś čas u sudach, tamu mnie davodziłasia i dziaciej dahladać, i pracavać. Baćkam, viadoma, vialiki dziakuj.
Što moža paŭpłyvać na toje, kab vaš muž chutčej moh vyjści na volu?
Skarhi budziem padavać usie mahčymyja, ale heta ničoha nia daść. mahčyma, niejki mienšy termin vybjem, ale na vyzvaleńnie ŭmoŭnaje albo poŭnaje apraŭdańnie my navat nie raźličvajem,
bo nia ŭ našaj krainie na heta spadziavacca. Sytuacyja ŭ krainie takaja, što ŭłada nieŭzabavie pamianiajecca,ja spadziajusia, tamu naŭrad ci jon prasiadzić uvieś termin.
