Jaŭhien Vaśkovič pierad aryštam.
Voś dumaju, chto z pavažanych mnoju znajomych nie maryŭ by spalić babrujski kahebe (i ŭsie astatnija kahebe na śviecie)? Simvał akupacyi, rusifikacyi i nieraskajanaści stalinskich zabojcaŭ. Niama ŭ mianie takich znajomych.
Jasna, što da teraryzmu i niejkaj realnaj škody hetyja mary nijakaha dačynieńnia nie majuć. «Chlupiki»-intelihienty zdolnyja chiba što na simvaličnyja akcyi. Zajavić pra siabie, moža być, papałochać. Ale ŭ ludziej z kryminalnymi mazhami hety numar nie prachodzić. Tam pałochać nie pryniata. Dastaŭ zbroju — stralaj. Pakazaŭ nož — rež. Kryminalnyja mazhi razumiejuć tolki adnu ŭmoŭnaść — umoŭna daterminovuju.
Lepšyja z nas, naturalna, nie kryminalniki. Lepšyja z nas — «chlupiki»-intelihienty. Lepšyja z nas stamilisia žyć u kałonii, u druhasnym pavietry rasiejskaj pravincyi, bo ich talenty i luboŭ da Radzimy ŭvieś čas natykajucca na kałanijalnuju administracyju, rasiejskuju biurakratyju i hety samy efesbešny kahebe.
Jaŭhien Vaśkovič stamiŭsia i pajšoŭ na simvaličnuju akcyju — «padpał» babrujskaha kahebe. Sudździa ŭlapiŭ jamu za heta siem hadoŭ strahača. Kryminalnyja mazhi nie pieravarvajuć umoŭnaściaŭ. Dastaŭ kodeks — umaž.
Siabry maje, my sapraŭdy pierajšli rubikon. I reč nie ŭ valucie, nie ŭ kantraktach i navat nie ŭ Łukašenku. Reč u tym, što kvitniejučaja Biełaruś — nasamreč zabitaja afrykanskaja kałonija, dzie ŭ zonach siadziać «chlupiki»-intelihienty, a ŭ akademijach i televizijach — kryminalniki.I čym dalej, tym bolš vyraznym robicca hety raskład.
U svoj čas terarystka Mazanik atrymała ŭsiesajuznuju pašanu za toje, što zabiła haŭlajtara Kube. Ujaŭlajecie, što b ź joj było, kali b jana tolki simvalična padsmaliła dźviery ŭ Kubavym domie? Dumaju, hadoŭ siem kancłahiera joj by i ŭlapili.Cana zabojstva — usienarodnaja pašana i cana mietafary — siem hadoŭ turmy.
Kažuć,
ułada mocnaja, kali jana miłasernaja. Kryminalnaj uładaj kiruje nie miłasernaść i nie łohika, a tolki — strach.Takaja ŭłada nie ŭmieje myślić abstraktnymi katehoryjami i bolš za ŭsio baicca mietafar. Voś čamu
sudździa Karcinin, moža być, nie ŭśviadomleny, ale paŭnapraŭny pradstaŭnik kałanijalnaj administracyi, za mietafaru daje bolš, čym inšy raz za zabojstva.
