Miarkujecca, što siaredniaja cana na haz dla Biełarusi ŭ bližejšyja try hady nie pieravysić 250 dalaraŭ. Heta praduhledžana prajektam trochhadovaha kantrakta na 2012--2014 hady,paviedamlaje rasiejskaja dziełavaja hazieta "Markier" sa spasyłkaj na materyjały, padrychtavanyja da schodu akcyjanieraŭ "Hazpramu", jakoje adbudziecca 30 červienia.
Pa infarmacyi vydańnia, Biełaruś, u svaju čarhu, abaviazvajecca na praciahu troch hadoŭ ekspartavać nie bolš za 69 młrd kub. m rasiejskaha hazu na ahulnuju limitavuju sumu 17 młrd 250 młn dalaraŭ.
"Biełarusi, takim čynam, udałosia damahčysia taho, kab ceny na rasiejski haz u bližejšyja try hady zastavalisia na raniejšym uzroŭni, heta značyć, nie bolš za 250 dalaraŭ za 1 tys. kub m", - adznačaje rasiejskaja hazieta.
U "Hazpramie" nie stali kamientavać dadzienuju infarmacyju, adznačyŭšy tolki, što materyjały, padrychtavanyja da schodu akcyjanieraŭ, źjaviacca ŭ adkrytym dostupie na sajcie kampanii bližej da pačatku hetaha mierapryjemstva.
U pieršym kvartale hetaha hoda Biełaruś płaciła 223 dalaraŭ za 1 tys. kub m hazu. Na druhi kvartał ŭstanoŭlenaja cana ŭ pamiery 244,7 dalara.
Ekśpierty ličać, što
atrymańnie Biełaruśsiu bolš tannaha hazu šmat u čym budzie zaležać ad paramietraŭ uhody pa kupli "Hazpramam" apošnich 50% "Biełtranshaza".
"Markier" sa spasyłkaj na aficyjnaha pradstaŭnika "Hazproma" Siarhieja Kupryjanava piša, što košt uhody, chutčej za ŭsio, nie budzie mocna adroźnivacca ad koštu pałovy "Biełtranshaza", jakaja skłała dla "Hazproma" 2,5 młrd dalaraŭ.
Što tyčycca tranzitu, to, pa infarmacyi rasiejskaj haziety, u bližejšyja try hady limitavaja cana tranzitu rasijskaha hazu praz terytoryju Biełarusi składzie 12,7 dalara za 1 tys. kub m.
Na hety hod limitavy płaciož "Biełtranshazu" ustanoŭleny na ŭzroŭni 12,4 dalara za 1 tys. kub m. "Takim čynam,
nie vyklučana situacyja, pry jakoj" Hazpram ", staŭšy adnaasobnym ułaśnikam "Biełtranshaza", budzie płacić raniejšuju canu za karystańnie hazatranspartnaj sistemaj", - miarkujuć analityki vydańnia.
