Staršynia Minskaha haradskoha abjadnańnia prafsajuzaŭ Mikałaj Biełanoŭski ličyć, što davier nasielnictva da ŭrada zachavajecca maksimum da siaredziny žniŭnia, kali ŭłady nie raspačnuć radykalnych krokaŭ pa palapšeńni situacyi ŭ ekanomicy.
«Urad užo prajhraŭ infarmacyjnuju i ekanamičnuju vajnu i
vypravić situacyju možna tolki realnymi dziejańniami, a nie abiacańniami.Davier nasielnictva da ŭrada zachavajecca da siaredziny žniŭnia,
heta značyć da značnaha rostu vydatkaŭ pracoŭnych, źviazanych z pačatkam aciaplalnaha siezonu i padrychtoŭkaj dziaciej da škoły», — skazaŭ M. Biełanoŭski ŭ piatnicu ŭ Minsku na pazačarhovym pasiadžeńni Nacyjanalnaj rady pa pracoŭnych i sacyjalnych pytańniach.
Jon zajaviŭ: «Treba vyrazna skazać ludziam, što budzie na valutnym rynku».
«Kali ŭrad robić tajamnicu z svaich mier, nam i najmalnikam budzie składana iści ŭ rečyščy z uradam», — praciahnuŭ M. Biełanoŭski.
Prafsajuzny lider pierakanany, što «rašeńnie ab libieralizacyi cenaŭtvareńnia, zaciahvańnie karekciroŭki abmiennaha kursu byli pamyłkaj, a moža być, i dyviersijaj». «Narod pakarany, ale pakul tryvaje», — skazaŭ M. Biełanoŭski.
Na jaho dumku, «u vypadku niepryniaćcia zachadaŭ
moža ŭskładnicca situacyja na pradpryjemstvach realnaha siektara ekanomiki, adbycca źnižeńnie zaniataści i rost sacyjalnaj napružanaści».
N. Biełanoŭski taksama prapanavaŭ uradu viarnucca da idei pavieličeńnia pamieru dapamohi pa biespracoŭi i vypracoŭcy bolš žorstkich miechanizmaŭ kantrolu nad cenami.
0
0
0
0
0
0
