Čaho tolki nie prapanujuć vytvorcy suvienirnaj pradukcyi.
«Zajšoŭ siońnia mimachodam na sajt Maika.by, kab aznajomicca z pradukcyjaj i moža niešta zamović sabie. Ubačyŭ tam raździeł “Patryjatyčnyja majki”. Nu, dumaju, stoadsotkava ŭvieś raździeł budzie pryśviečany roznym “zakatam nad bałotami”, “viankam” i inšym BSSRaŭskim simvałam, ale toje, što ja ŭbačyŭ, pierasiahnuła ŭsie maje čakańni... », — piša čytač «NN» KiberDen !!! A nabor «patryjatyčnych» majek, što prapanuje Maika.by, i sapraŭdy ŭražvaje. Tut nie tolki, jak piša čytač, niama nivodnaj majki choć niejkim bokam źviazanaj ź Biełaruśsiu, ale amal usio pryśviečana SSSR i Rasii. Majki z savieckim hierbam, Leninym, KHB i VDV, dvuchhałovym arłom i aŭtamatam Kałašnikava.
«Heta jaskravy prykład dehradacyi niekatorych biełarusaŭ za apošnija 17 hod u nacyju raboŭ, kali navat termin “patryjatyzm” asacyjujecca ŭ ich ź luboŭju nie da svajoj krainy, a da byłoha kałanizatara SSSR, ci da sučasnaha kałanizatara Rasii», — aburajecca čytač.
