Hramadzkaja arhanizacyja «Ruchanijat» (Duchoŭnaść) prysudziła Alaksandru Łukašenku mižnarodnuju premiju «Čałaviek hodu-2006», paviedamlaje IA «AKIpress» sa spasyłkaj na vydańnie «Słova Kyrhyzstana».
Razam z hetym hanarovym zvańniem, adznačaje ahiencyja, jaho ŭładalnik atrymlivaje dyplom, medal «Ruchanijat», bronzavuju statuetku «Tułpar-latun» (čaroŭny koń), a taksama nacyjanalnyja kyrhyskija stroi: čepkien (padvid chałata) i «kałpak» (hałaŭny ŭbor). U asablivych vypadkach laŭreatu, jak paviedamlajecca, mohuć uručyć sapraŭdnaha kania i bierkuta.
U liście arhanizacyi prezydent acharaktaryzavany jak vydatny palityčny i dziaržaŭny dziejač, słaŭny syn biełaruskaj ziamli, jaki addaje ŭsiu svaju enerhiju, viedy i dośvied bieskaryśjivamu słužeńniu biełaruskamu narodu».
Asacyjacyja Ruchanijat była stvorana ŭ 1992 h. U jaje ŭvachodziać hramadzkija i dziaržaŭnyja dziejačy Ehiptu, Kazachstanu, Kitaju, Kirhizii, Rasiei, Turcyi, Uzbekistanu. Raniejšymi atrymalnikami premii byli piśmieńnik Čynhiz Ajtmataŭ, eks-prezydent Kirhizii Askar Akajeŭ, amerykanski pradprymalnik Džordž Soras, prezydent Rasiei Uładzimir Pucin dy inšyja.