Jak paviedamili ŭ Hrodzienskim rajonnym sudzie, siońnia byli razhledžanyja dzieści 15 spravaŭ.
Dakładnaj ličby nazvać nie zmahli, jak i pamiery štrafaŭ. Skazali tolki, što asudzili ŭsich, chto znachodziŭsia ŭ izalatary časovaha ŭtrymańnia.
Jość źviestki, što davali štrafu
pa 70-75 bazavych adzinak: 2 450 tys. -- 2 młn 625 tys. rubloŭ.
U Ministerstvie ŭnutranych spraŭ Biełarusi paviedamili pra 22 zatrymanych padčas akcyi pratestu ŭ punktu prospusku «Bruzhi». Tam nie vyklučyli, što ličba moža pavialičycca — mierapryjemstvy pa vyśviatleńni arhanizataraŭ i aktyŭnych udzielnikaŭ akcyi praciahvajucca.
12 červienia biełaruskija kiroŭcy na biełaruska-polskaj miažy pierakryli trasu da pamiežnaha pierachodu «Bruzhi». Jany patrabavali skasavać ukaz prezidenta ad 11 červienia pra abmiežavańnie vyvazu paliva. Na miažu, zabłakavanuju aŭtamabilami, pryjazdžaŭ staršynia Hrodzienskaha abłvykankamu Siamion Šapira, adnak, pieramovy z pratestoŭcami zaviaršylisia razhonam i zatrymańniami.
