Tak, Litva adznačaje Dzień smutku i nadziei -- 70-ju hadavinu masavych vysyłak žycharoŭ krainy. Pa ŭsioj krainie prachodziać mierapryjemstvy, prymierkavanyja da hetaj žałobnaj daty. U červieni 1941 hoda ź Litvy ŭ Sibir i na Daloki Uschod było departavana kala 30 000 čałaviek.
U Siejmie adbudziecca ŭračystaje pasiadžeńnie i inšyja mierapryjemstvy, pryśviečanaje pamiaci abarony svabody i vialikich strat.
Na čyhunačnych vakzałach ŭ Vilni, Anikščai, Kiedajniaj, Rakiškach, Rudziškiesie i Šyłucie ŭ aŭtorak buduć adkrytyja pamiatnyja doški, la miemaryjała la čyhunačnaj stancyi Novaj Vilni adbudziecca pamiatnaje mierapryjemstva.
U pamiać ab achviarach ŭ Vilenskim kafiedralnym sabory adbudziecca Sv. Imša, a ŭ Litoŭskim nacyjanalnym teatry opiery i baleta prahučyć Requiem Vidmantasa Bartulisa — «Za svabodu zahinułych».
13–15 červienia 1941 hoda bolš za 30 000 čałaviek byli prymusova vysłany ź Litvy, siarod ich — šmat žančyn, dziaciej i starych. Pieršaja masavaja departacyja cyvilnaha nasielnictva Litvy pačałasia 14 červienia 1941 hady ŭ Sibir i na Daloki Ŭschod.
Anałahičnyja mierapryjemstvy prachodziać u Estonii i Łatvii.
