Paciarpieli 15 hramadzian našaj krainy, u tym liku 4 dziaciej.
pra heta paviedamili ŭ navinach Pieršaha nacyjanalnaha telekanała a 15-j hadzinie.
Achviaraŭ niama, bolšaść vycialisia. Usie paciarpiełyja dastaŭlenyja ŭ dziaržaŭnuju balnicu, raźmieščanuju ŭ pasiołku Miłas.
- U aŭtobusie jechali turysty, mnohija ź dziećmi. Na ščaście, ciažka paciarpiełych niama, - raskazaŭ onliner.by Jaŭhien Nieściarenka, konsuł pasolstva Biełarusi ŭ Turcyi. - U asnoŭnym abyšłosia lohkimi traŭmami - ŭdarami, rankami. Na dadzieny momant usie biełarusy vypisanyja z balnicy.
Avaryja zdaryłasia siońnia, u 7:30. Aŭtobus pierakuliŭsia dvojčy. Pavodle papiarednich źviestak, kiroŭca zasnuŭ za rulom.
- Pasažyry zaŭvažyli, što kiroŭca zasnuŭ, i pasprabavali jaho razbudzić. Jon rezka paviarnuŭ rul, i aŭtobus pierakuliŭsia, - raspavioŭ Jaŭhien Nieściarenka. - Ciapier turysty dajuć pakazańni ŭ palicyi. Budzie praviedziena pravierka. Vyśviatlajecca, ci znachodziŭsia kiroŭca ŭ stanie ałkaholnaha apjanieńnia.
U pasolstvie taksama ŭdakładnili, što tur byŭ arhanizavany kampanijaj Tez Tour. Jaje pradstaŭniki ŭžo raźmiaścili paciarpiełych biełarusaŭ u hatelach Bodruma. 16 červienia jany pavinny vylecieć u Biełaruś. U kampanii Tez Tour zajaŭlajuć, što ŭsie vydatki na lačeńnie i akazańnie dapamohi pakryje strachoŭka.
