U Minsku 19 červienia projdzie parad niaviest 10

19 červienia ŭ Minsku projdzie parad niaviest. Arhanizataram mierapryjemstva vystupaje śviatočny infarmacyjny centr Prazdnik.by.

paradnevest.by

Jak paviedamiła pradstaŭnik Prazdnik.by Hanna Kaminskaja, meta prajekta — padtrymać tradycyjnyja siamiejnyja kaštoŭnaści, abudzić cikavaść da viasielnaha abradu. Sioleta parad projdzie ŭžo ŭ čaćviorty raz. Padčas akcyi dziaŭčyny, apranutyja ŭ viasielnyja sukienki, jeździać pa horadzie, kantaktujuć ź ludźmi, udzielničajuć u konkursach.

Na hety raz u paradzie vydańnic voźmuć udzieł 49 dziaŭčyn. Heta siem kamand pa siem čałaviek: «Śvieckija damy», «Niaviesty a-la Šanel», «Niaviesty ŭ styli Pink», «Niaviesty — Gold Wing», «Antyčnyja vydańnicy», «Kinadzivy» i «New-viesty». U apošniuju kamandu ŭvojduć tolki pradstaŭnicy ŚMI.

Z 15.00 pa 17.30 parad niaviest projdzie ŭ parku imia Maksima Horkaha, dzie ŭ hety čas adbudziecca kancert artystaŭ biełaruskaj estrady. Na im vystupiać Hieorhij Kałdun, Halina Šyškova, Viera Karetnikava, Saša Niema, hrupy «Fiederacyja», «Drazdy» i inš. Niaviesty pradstaviać svaje kamandy, pakatajucca na karusielach, arelach i atrakcyjonach, a zatym na płoščy Pieramohi ŭskładuć kvietki i zapuściać bałoniki.

Z 17.30 pa 18.00 viasielny kartež z kabryjaletaŭ i bajkaŭ uračysta prajeździe pa hałoŭnym praśpiekcie Minska.

Paśla hetaha dla ŭdzielnic parada niaviest u staličnym kłubie «Aryjon» budzie arhanizavana konkursna-zabaŭlalnaja prahrama. Pa vynikach konkursaŭ budzie vyznačana lepšaja kamanda vydańnic.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH