Praz sacyjalnyja sietki kandydat u prezidenty Biełarusi na minułych vybarach Aleś Michalevič zaprašaje na čarhovuju akcyju salidarnaści ź biełaruskimi palityčnymi viaźniami ŭ stalicy Čechii.
Akcyja adbudziecca pry padtrymcy biełaruskaj hramady ŭ Prazie, kab čarhovy raz nahadać jeŭrapiejskaj supolnaści pra situacyju ŭ Biełarusi.
- My chočam zrabić tak, kab Praha daviedałasia pra prablemy palitviaźniaŭ. Praha – heta taksama vialiki turystyčny centr, my heta budziem rabić na adnoj z centralnych płoščyŭ Prahi, dzie zvyčajna vielmi šmat turystaŭ, i my budziem tam razdavać infarmacyju pra toje, chto takija biełaruskija palitźniavolenyja, čamu jany siadziać u turmie, čamu nad imi ździekvujucca i h.d.
Adbudziecca akcyja 17 červienia ŭ samym centry Prahi. Infarmacyja pra hetuju akcyju raspaŭsiudžvajecca praz sacyjalnyja sietki. Aleś Michalevič zaŭvažaje – sacyjalnyja sietki siońnia abjadnoŭvajuć biełarusaŭ dy zaprašaje biełarusaŭ Čechii dałučycca da akcyi salidarnaści ź biełaruskimi palitviaźniami.
