Bolš za 500 čałaviek na šeści ŭ Breście, prysutničali rasijskija teležurnalisty, trapiła ŭ rasijskija telenaviny 21

Płošču Lenina ŭ Breście aharadzili turnikietami.

Tam prachodzić spartovaje mierapryjemstva — abłasnyja spabornictvy, pryśviečanyja 70-hodździu pačatku abarony Bresckaj krepaści i Mižnarodnamu alimpijskamu dniu. Kolkaść ludziej u pahonach na samoj płoščy, prylehłych vulicach i panadvorkach — zaškalvaje. Dziažuryć aŭtazak.

Vialiki natoŭp rušyŭ pa Puškinskaj ŭ bok Savieckaj. Ludzi plaskajuć u dałoni.

Ludzi dajšli da pomnika 1000-hodździa Brestu. Ludzi vychodziać z kram, padymajucca z-za stolikaŭ kafe i padchoplivajuć apładysmienty.

Łancuh ludziej raściahnuŭsia ad bara «Vizit» da k/t «Biełaruś». Kolkaść udzielnikaŭ vyrasła da bolš čym 500 čałaviek, moža być navat pad tysiaču.

Kala CUMa supracoŭniki śpiecsłužb raśsiekli narod na dźvie častki i vycisnuli, ale ludzi pradoŭžyli ruch — ciapier nazad pa vulicy Savieckaj.

Jak paviedamili pravaabaroncy, usiaho ŭ Breście było zatrymana 18 čałaviek.

Za padziejami nazirali karespandenty Pieršaha rasijskaha telekanała i kanała «Rośsija». Repartaž z šeścia ŭ Breście pakazali ŭ navinach telekanała «Viesti-24»

Pavodle Briestskoj haziety i ŭł.inf.

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH